羅拔迪尼路 搞笑窩心父親節必睇 出位更勝《PARTY冇限耆》 身為屋企嘅一家之主，老豆當然係全家嘅英雄；但係每個老豆都好似有陣𤓓味，仲要教極都唔化。今個父親節，係時候要帶埋爸爸入戲院，調教一番！「教父」羅拔迪尼路（Robert De Niro）再次發揮笑匠功力，孭飛主演全新喜劇《教父冇限耆》（About My Father），出位程度更勝《PARTY冇限耆》（Dirty Grandpa）。「教父」今次化身爆笑𤓓爸，一邊教仔，一邊反過嚟俾仔調教！奧斯卡影帝羅拔迪尼路，聯同《綠簿旅友》（Green Book）斯巴頓馬尼卡高（Sebastian Maniscalco），攜手玩轉父子親情；《辣手保姆：女王蜂》（The Babysitter: Killer Queen）賴絲莉碧（Leslie Bibb）、《色慾都市》（Sex and the City）系列甘嘉德露（Kim Cattrall）、《見習冇限耆》（The Intern）安德斯荷姆（Anders Holm）齊齊合力引爆笑彈，炮製既搞笑又窩心嘅家庭喜劇，絕對係父親節必睇之選！  爸爸可否不要𤓓？ 「教父」羅拔迪尼路搞笑窩心父親節必睇之作，出位程度更勝《PARTY冇限耆》！廿四孝老豆沙寶（羅拔迪尼路　飾）一直將自己做人嗰套，灌輸俾阿仔斯巴頓（斯巴頓馬尼卡高　飾），可惜「仔大仔世界，越大越變壞」！斯巴頓結識富二代女友後，嫌草根老豆太過失禮；但為咗求婚，被逼帶住𤓓爸見未來親家。斯巴頓為避免尷尬，決定落力調教老豆，點知沙寶依然失晒控：佢同超豪親家唔止生活習慣撞到啪啪聲，兩父子仲搞出連串𤓓爆大鑊！到底係爸爸太𤓓，抑或阿仔要求多多，呢場超瘋癲見親家之旅，究竟點收科？ 上映日期：2023年6月15日 主演：羅拔迪尼路、斯巴頓馬尼卡高 導演：蘿拉特魯索 級別：待定 片長：待定 語言：英語 (中文字幕) 片種：喜劇…