感人至深,真情流露:《天賦的禮物》影評

呢套戲齋睇個名真係有啲不明所以,叫《天賦的禮物》,可能英文名會有多啲頭緒 “Gifted”:呢個英文字一方面可以解咗上天嘅恩賜,而另一個解釋就係上帝賜給人類其中一樣最好嘅禮物:智慧。講戲名可能讀者都唔係好知我講緊乜,不過睇卡士我諗你應該會感興趣啲:冇錯,就係人人都識嘅美國隊長Chris Evans ? 美國隊長除咗做大英雄之外仲識得做啲咩呢?今次美國隊長終於放低件制服,修心養性做住家男湊女,今次仲要飾演一個照顧家姐死後留低姪女嘅單親爸爸。原來戲名嘅Gifted就係因為呢個姪女原來係一個gifted嘅資優生,仲要係一個七歲就識得解大學程度數學嘅天才。Chris Evans個阿媽,姐係細路女個外婆,一直都想將呢個細路女當做一個天才兒童咁栽培,想佢好似沈詩均咁即刻讀大學,但係作為養父嘅美國隊長就希望佢姪女能夠好似其他小朋友一樣有一個無憂無慮嘅愉快童年,唔想佢咁快就要變成一部失去童真嘅數學研究機器。雙方甚至為咗呢個細路女嘅撫養權而不惜對薄公堂… 故事最後當然係大團圓結局啦,不過我覺得呢套戲嘅重點唔係美國隊長今次有幾型幾chok,而係站喺呢個天才細路女嘅立場,到底點樣嘅教育對佢先係最好?究竟應該好好善用佢嘅天才,甚至不惜要佢放棄同好朋友一齊返學享受童年嘅日子,定係讓佢成為一個同普通人無異嘅一個平凡小朋友?呢個睇怕唔單止係戲裡面嘅問題,仲係普天之下父母之間都要面對嘅問題。有點可惜嘅係電影嘅結局某程度上有點太過理想化,一個過份完美嘅結局令呢個可憐天下父母心嘅難題得唔到一個更深入的探討。 相比起美國隊長一貫chok樣同溝女嘅戲路,本片最大嘅驚喜應該係作為小女主角嘅Mckenna Grace,雖然年紀只有十歲,但係論演技完全讓人感覺係一個非常有經驗的演員。充分演活一個天才兒童所面對的難處,無論係上堂串爆老師,同大人有趣招積嘅互動,同時演繹出佢同Chris Evans 之間深厚嘅父女情,場面相當感人,打動了不少觀眾。最令我印象深刻的一幕,以夕陽作為背景,鏡頭只有Chris Evans和Mckenna Grace在斜陽下投射出來的兩個黑影,細路女好活潑地喺養父嘅身上擒高擒低,另一邊Chris Evans同佢講述人生在世活著應有的意義,呢幕不禁令我反思,到底一個人應該要點樣先能夠活出最無悔的一生?…

Read more

矽谷朝聖遊(1):初抵三藩市

小編作為科技界嘅發燒友都已經至少有五六年,去矽谷朝聖一直以來都係小編嘅夢想,矽谷作為世界IT工業嘅搖籃,匯聚咗無數嘅精英同創意,短短二十年內誕生出無數嘅科技巨頭。小編喺上年到咗美國做半年交換生,終於有機會親自飛到三藩市,一探矽谷呢個科技界聖地嘅神秘面紗! 點樣去三藩市? 喺香港去三藩市,基本上只有一個方法,就係坐飛機。其實由香港坐直航去三藩市嘅選擇唔多,除咗國泰航空之外,仲有美國聯合航空 (冇錯,就係嗰間聯合關公航空)。直航三藩市嘅價錢的確係比較貴,小編岩岩喺skyscanner check 過,如果暑假期間出發的話,至少都要六千幾七千蚊。如果唔介意轉機的話,其實喺日本轉機或者喺韓國轉機都係一個唔錯嘅選擇。小編當時唔係直飛三藩市,而係先搭國泰航空去東京成田再轉飛新加坡航空去洛杉磯,全程大概15小時,來回程都係大概五千幾蚊,都平咗一截。當然如果想再平啲可以坐東方航空去上海轉機,不過國內航空公司就自己衡量啦。 由於小編喺先去LA嘅關係,所以我係喺LA坐夜巴去三藩市。洛杉磯同三藩市一南一北,基本上係加州兩個最大嘅樞紐城市,但係如果唔坐內陸機的話,就只可以坐八個鐘巴士去,再唔係就要自己揸車,畢竟喺美國基本上人人都有車,所以我坐巴士去三藩市嗰陣架巴士都唔係特別多人。 如果唔怕捱眼訓的話,夜晚十二點巴士喺洛杉磯開車,第二朝清早七點半就會去到三藩市。巴士收費會平過飛機,但係其實唔係真係平好多。我張巴士飛就係$20美金,飛機的話就要$40-50美金,不過飛機只需要個半鐘就飛到三藩市。 初到三藩市 岩岩到步三藩市嘅感覺就係呢個城市天氣相當清涼,洛杉磯相對會比較乾燥,三藩市就比較濕潤,但係完全唔會好似香港咁侷促。同埋三藩市本身係一個相對寧靜嘅城市,生活節奏比起紐約或者洛杉磯呢啲大都會緩慢好多,更加唔會話經常人多擠迫,所以所以難怪三藩市被稱為全美最宜居城市之一。 今日就首先簡單介紹下三藩市呢個城市,嚟緊繼續同各位讀者分享小編喺矽谷嘅見聞!…

Read more

抵死鬧劇搞出深層意義:《波士BB》影評

最近喺各大地鐵站已經陸續見到波士BB電影嘅宣傳海報,可能大家都會覺得好有趣,點解一個BB會著住西裝咁老積?之前ChiLam配音嘅《狗狗當家》講寵物喺人類背後嘅世界,今次輪到BB做你波士,係咪好好奇究竟呢個鬼馬招積B葫蘆裡賣咩藥? 小編其實上個禮拜已經率先觀看咗波士BB嘅優先場,原來呢個BB來頭好猛,一出場就搞到父母陀陀擰,餵食餵奶包尿布氹訓覺全部都當正父母係奉旨咁,如果侍奉貓貓嘅叫貓奴,咁樣BB就成個大波士咁身邊就有兩隻B奴喺身邊隨傳隨到。唔止咁,BB嘅出現仲影響到原本受到萬千寵愛在一身嘅哥哥妒忌,認為佢搶走咗父母本來對佢嘅愛,破壞佢原本認為美好嘅家庭。但係原來呢個BB唔單止係一個BB咁簡單,西裝骨骨嘅佢仲識講野,佢其實仲身負一個好重要嘅任務,就係要阻止BB身邊最大嘅敵人——同樣咁人見人愛嘅狗仔,搶晒BB嘅 “市場佔有率”!(其實係咪諷刺緊宜家生育率不斷下降?) 小編身為屋企入面嘅大仔,睇到電影入面阿哥對細佬受到父母無限嘅寵愛而呷醋,自己都不禁回想起自己曾經都試過因為同細佬 ‘爭寵’而扭計,到最後明白到家人之間嘅愛唔係一個有我冇你嘅零和遊戲,而係一個學懂分享同互相愛護嘅過程。故事裡面嘅波士BB睇落好似成個大人咁招積,甚至喺大人面前每一個令人無法抵抗嘅可愛表情,原來都係波士BB刻意嘅算計,但係目的仍然離不開童真可愛嘅一面,就係想獲得父母嘅愛錫。就好似海報上面嗰句 “撒嬌BB最好命”,波士BB的確深諳此道。 到最後,原來故事裡面嘅葡萄大哥就係電影裡面嘅旁白,隔離仲有一個已經長大成人,但係仍然著住西裝嘅細佬,到底成個故事係真定係純粹係童真嘅想像?對於已經長大咗嘅我地嚟講,已經唔重要,最重要嘅係珍惜同愛護身邊嘅屋企人。…

Read more

《刀劍神域:序列爭戰》:經典英雄意淫系列新篇章

相信只要近年有追捧日本動漫作品的朋友都必定聽過《刀劍神域》這部名作。《刀劍》是一套眾多少年遊玩虛擬現實遊戲的故事,當中男女主角以近乎誇張的無敵表現及真誠細膩的感情流露,贏得眾多朋友(包括故事內外)的歡心。最近香港上畫的《刀劍》劇場版為原作者新創的外傳編章,究竟能否配上「刀劍神域」這偉大的名字呢? 《序列爭戰》的設定在「絕劍」事件之後。雖然男主角歷經生死、贏盡美人芳心,但是面對新興的AR (擴增實景)遊戲,恰當表達出某程度上的不適應。不過,當得知身邊朋友因暢玩新AR遊戲而發生異常,尤其是心愛的女人涉入險境時,男主角表演出理想男人應有的性格:不惜一切闖入龍潭虎穴、膽大心細調查來龍去脈、九死一生戰勝終極魔王。女主角的表現亦能配上男主角:本身美麗大方、博學多才;與人相處時善解人意、溫柔體貼;關鍵時刻就勇於承擔、無所畏懼。男觀眾渴望擁有如女主角般的女朋友,並羨慕有能力、受歡迎的男主角;女觀眾希望成為類似男主角的小情人,並嫉妒及嚮往女主角。在人物塑造上,新電影完美地承接和演譯《刀劍神域》這知名的系列。 此外,一流的畫風、絕妙的配樂、快慢有序的電影節奏、充滿話題的未來科技,亦是此劇的加分點。若果要找出可以改進的地方嘛……男主角戰勝敵人的手段現實一點就好了。 電影完場時,身邊觀眾已經開始討論第二次進場觀賞的時間和地點了。誇張、英雄主義、意淫、精神論萬歲?誰在乎?   電影懶人包 支持觀賞 反對觀賞 . 非常感人的角色描寫 . 一流的畫風 . 絕妙的配樂 . 合理的劇情節奏 . 深刻描繪未來科技 . 男主戰鬥的方式毫不現實 . 鼓吹精神論萬歲  …

Read more

《攻殼機動隊》:認真製作的真人版電影

有云:「摧毀一套動漫作品的最好做法為拍攝真人版電影。」雖然不少來自二次元的真人電影失敗了,但是作為第一次觀看《攻殻機動隊》相關作品的人,我被這套真人版電影吸引了。 動漫愛好者觀賞改編真人版時,最不習慣的是兩者在畫風上的差異:從光鮮唯美到平淡寫實。尤其在角色上的觀感上最能感受兩者之差。新真人版《攻殻機動隊》在電腦圖形化特效下了極大的功夫:西方人扮演的女主角臉容不但呈現出東方美,還美得如夢似幻。以香港為藍本的背景城市亦加插了大量的CG效果,介紹二百年後的大都市是什麼樣子:全電子化的指道路資訊板、充滿未來感的交通工具、廣告充滿擴增實境的美女等等。CG的極致是另一種唯美,引起我追看的興趣。 《攻殻》的劇情是建立在行動、打鬥、治療及對話的循環上。初時,一連串精心編排的打鬥情節的確值得大聲叫好。後來隨著劇情的進展,當中的對話卻流於淺白,沒辦法清晰反映為何新科技會帶來問題。電影將禍象簡單地歸咎於一個簡單的矛盾,從而得出一個簡單的結論及解決方法。殊不知只要稍為留意背景的各方因素,稍為更改及整合,就不難得出「第三條路」。一套介紹及討論人體晶片植入題材的電影,竟然交出如此的作品,真可惜。 除此之外,新真人版電影的結局是整合了過去兩次劇場版作品的劇情。同行的前輩觀賞後,表示不太接受這二次創作的結果。 雖然《攻殻機動隊》未能帶出題材應有的深度,但是卻十分精采地介紹未來人體科技的發展(尤其是Elon Musk宣布投資人體晶片植入科技時),仍然值得入場欣賞。   電影懶人包 支持 反對 . CG特效的典範作品 . 精采的打鬥情節 . 多方面描寫未來科技發展 . 過於簡單粗暴淺白的對話降低電影的深度 . 經篡改的劇情與原作不合  …

Read more
Copyright 2014 @ AvantVS.hk Avant Vision Supreme 電影音樂動漫資訊. All Rights Reserved.