《又要威,又要除頭盔 2》- Bikeman 2

泰國年度四大賣座喜劇之一,《又要威,又要除頭盔2》(Bikeman 2)去年贏得泰片年度開畫票房第三名,是繼《出貓特攻隊》(Bad Genius)、《大佬可以退貨嗎?》(Brother of The Year)及《去吧!女神兵團》(Friend Zone)後,又一泰國喜鬧出位作!上集講到男主角偉霆(Peach飾)本身揸的士,但又呃阿媽自己做銀行經理,點知最後居然真的轉行做銀行仔,還成功踢走女神男友,與女神樂童(Fon飾)越行越埋。今集偉霆與樂童繼續於大銀幕擦出愛火花,還要克服情侶最大的恐懼──見家長!新加盟的泰國「三哥」Somchai Khemklad(Tao)原本真人勁瀟灑,亦不惜犧牲型佬外表,化身「非常外父」,換上Barcode禿頭兼一臉惡形惡相,玩殘未來女婿一家。三人聯同一眾泰國紅星班底的無厘頭搞笑演繹,再加上貼地的劇情,呈獻出一套為觀眾醒醒神、打打氣的輕鬆小品。 為追女神,唔做的士仔 為氹未來外父…竟然又戴返頭盔? 一直做兵仔嘅偉霆終於等到女神樂童分手,仲畀佢撞正絕佳機會食住上:樂童爸爸沙膽由鄉下殺到嚟,迫樂童回鄉相睇;為咗耍走阿爸,樂童哀求偉霆扮自己男朋友,仲叫佢帶埋全家一齊見家長。偉霆阿媽花姐、世叔伯鼎爺同死黨戇呃等人,齊齊夾計扮鬼扮馬,誓要冧掂惡到爆嘅未來外父;可惜個個騎呢百出,結果搞到一鑊粥!本以為外父政策行唔通,誰不知沙膽突然惹上大麻煩,偉霆即刻戴返頭盔、出動「野狼的士GO」,救外父之餘,唔通可以順手抱得女神歸? 上映日期:即將 導演:Prueksa Amaruji 主演:Pachara Chirathivat (Peach)、Sananthachat Thanapatpisal (Fon)、Somchai Khemklad (Tao)、Jennifer Kim、Khom Chuanchuen 級別:待定 片長:待定 語言:泰語(中英文字幕) 片種:愛情 | 喜劇…

Read more