《非常速盜》9月7日 限時玩命

《救參96小時》‧《殺神特工》賣座班底動作鉅獻 連番飆車場面 狂騷古董辣跑路上英姿 極品古董跑車、歐美型男索女加上法式風情,有速度有激情之餘,仲好鬼性感!一次過滿足觀眾N個願望嘅超級動作鉅獻《非常速盜》(Overdrive),耗資近4億港元打造,係《救參96小時》(Taken)導演皮亞摩洛(Pierre Morel)、《殺神特工》(Wanted)及《狂野極速》(2 Fast 2 Furious)賣座編劇等幕後精英班底攜手完成嘅傑作。片中除咗充滿令人腎上腺素激增嘅驚險飛車場面,仲破天荒雲集「寶馬」、「保時捷」、「瑪莎拉蒂」、「法拉利」等12大車廠嘅超級古董跑車,更會真實落場,等觀眾睇盡古董辣跑嘅極速英姿,無論係咪車迷都一定會為之所動!  神偷兄弟 號召精英聯盟 秒速盜盡全球古董辣跑 亞祖(史葛伊士活 飾)同加力(OVERDEIVE 飾)係聞名江湖嘅神偷兄弟,專攻天價古董跑車。今次佢哋又再施展絕技,偷到極珍貴嘅1937年產「布加迪」(Bugatti),點知意外惹上當地黑幫大佬!為咗保住命仔,兩兄弟唯有同黑幫大佬交易。佢哋必須喺一星期內偷走大佬死對頭收藏嘅1962年產「法拉利250 GTO」古董跑車。喺安祖女友詩蒂(安娜迪艾瑪絲 飾)嘅幫助之下,兩人極速號召各路飆車、偷竊、爆破等頂尖好手組成聯盟,實行史上最瘋狂玩命嘅偷車計劃!…

Read more