日本票房熱爆 此片於香港未上映，已在日本開畫創下了8.4億 YEN 好票房成績，而且現正又是暑假檔期，一定又會很旺場，雖然本人好怕進入迫滿人的影院觀賞，無奈電影公司的PR 美女忘記了邀請本人出席 PREVIEW SCREEN，唯有跟一眾大小朋友迫爆地入場觀賞吧！ 以海賊故事為包裝 今次這一個劇場版，應該是叮噹（多啦A夢）系列的第38個了，一定係除非唔係^^，故事以金銀島（ドラえもん のび太の宝島 ）為題，明顯會是一個海賊冒險的故事，但原來這通通都是偽裝，實則是以海賊尋寶作開始，中段到尾又轉變為與未來世界相連貫的故事，弄得本人頭段聯想起《 ONEPIECE 海賊王》，到中至尾段又覺得自已在觀賞經典動畫《天空之城 》^^。 不遜色的2D動畫電影 今年暑假期間，上映的動畫電影都有六、七套，有些更以 3 D 為賣點，但今次的金銀島仍是2D製作登場，其實原因好簡單，叮噹電影一貫都是2D為主，這更可帶給觀眾原汁原味的感覺，另外，電影中同時套用了很多的電腦動畫繪畫技術，視覺效果絕不亞於同期的 3D 動畫電影，而故事更是大家都已熟能詳的叮噹與大雄，難怪2D 版亦於日本穩收 8.4億 YEN 好票房記錄。 …
Read more
8月4日 見證誕生 小神獸 大冒險 穿越7萬年 創2D多啦A夢電影票房最高紀錄 咁多年嚟，多啦A夢每年都準時喺大銀幕同大家見面，今年又點會例外！今個暑假，多啦A夢、大雄、靜香、胖虎同小夫將會帶你穿梭時空，返去遠古時代見證日本嘅誕生，仲有一班好得意嘅小神獸陪你闖蕩添！《多啦A夢：新‧大雄之日本誕生》已經係系列中嘅第36部劇場版動畫，係1989年作品《大雄的日本誕生》嘅重製版本。呢部作品當年創下420 萬嘅觀看人次紀錄，直至舊年先被《多啦A夢》另一系列作品《STAND BY ME多啦A夢3D》打破，可想而知呢部作品係幾咁受歡迎！動畫早前率先喺日本上映，反應叫好叫座，輕鬆奪取連續3個周末票房冠軍，並創下2D多啦A夢電影票房最高紀錄，累積票房目前已突破40 億日圓！ 暑假約定你！ 齊搭時光機 《新‧大雄之日本誕生》由八鍬新之介兼任導演同編劇，佢之前擔任過《新‧大雄的大魔境》嘅導演，亦喺長期參與製作《多啦A夢》電視動畫嘅幕後功臣之一，唔知今次又會有咩驚喜畀到一眾大小粉絲呢？動畫將以「日本人嘅起源」為主題，喺人類文明進化嘅歷史背景下，透過一場穿越時空嘅大冒險嚟描繪大雄與朋友之間嘅友情同成長。各位大小朋友，今個暑假記得約埋親朋戚友一齊準時登上時光機喇！ 穿越時空 走入遠古時代 為救朋友 決戰不死精靈王 由於現實生活太多不如意事，大雄同朋友決定嚟一次史上最大規模嘅離家出走。喺多啦A夢嘅幫助之下，佢哋乘搭時光機嚟到7萬年前嘅日本，喺呢片原始土地發揮小宇宙，建立快樂家園，仲創造咗幾隻好得意嘅小神獸﹗正當大家自由自在享受生活之際，遇上咗遠古少年高高路。當得知高高路嘅光族族人被黑暗族擄走，多啦A夢佢哋決定幫手對付黑暗族首領──不死精靈王吉加桑比；打低邪惡力量，讓夢想王國從此誕生﹗ 上映日期：2016年8月4日 語言：粵語配音 導演：八鍬新之介 片長：104分鐘 片種：動畫 …
Read more
