《死亡無限LOOP》黑色大導 打造恐怖喜劇新品種 殺人魔 變咗少女身 攞正牌 瘋狂 “殺” 死人 電影簡介 殺人魔，一夜變咗少女身；憑姿色，攞正牌瘋狂「殺」死人！環球影業發行、Blumhouse信心保證操刀，《死亡無限LOOP》黑色大導演打造恐怖喜劇全新品種——《屠・姐上錯身》(FREAKY)，由兩大喜劇天王姐仔：《冒牌伴郎生擒姊妹團》猴擒中坑雲斯韋漢、《反啪啪同盟》性感小花嘉芙蓮紐頓，攜手啜核抵死主演。 女生Millie長得平平無奇，喺學校慘慘豬成為被恰對象，一個離奇夜更俾變態屠夫追殺到斷氣，靈光一閃責醒後，發現自己同大叔交換咗肉體，廿四小時內搵唔返自己肉身，就會孭住大叔個衰殻直~ 到~ 永~ 遠！Millie不斷逃避追捕，走頭無路下唯有搵佢班老死諗計破解惡咒；那邊廂大叔反而愛上扮靚做萬人迷，調戲一衆校草巴打外，更打算盡地一煲，參加學校舞會過吓手癮大開殺戒！驚到盡爆笑到盡，到底最後點收科？ 電影資料 片名：                        《屠・姐上錯身》（Freaky） 上映日期：                2020年11月12日 導演及編劇：            《死亡無限Loop》《午夜來嚇》系列  基斯杜化蘭登Christopher Landon 編劇：                        《死亡無限2次Loop》《午夜來嚇》系列  基斯杜化蘭登Christopher Landon Fox搞笑動畫《Bordertown》米高甘迺迪Michael Kennedy 主演：                        《冒牌伴郎生擒姊妹團》雲斯韋漢 Vince Vaughn 《反啪啪同盟》嘉芙蓮紐頓 Kathryn Newton 監製：                        《月光光心慌慌》《隱形客》積遜布林 Jason Blum…