你而家要即刻去睇-《Deadpool 死侍:不死現身》影評

非一般開場 非一般英雄片

Deadpool 死侍:不死現身 打從一開始已經標榜自己唔係大家睇開既超級英雄片,大家有睇開Deadpool漫畫都知,主角Wade Wilson根本唔係一個典型英雄嘅材料,只係一個口水多過茶,永遠都死唔去嘅癲佬。將一個非一般嘅”英雄”搬上大銀幕,自然有非一般嘅做法。電影開場就已經令觀眾好有新鮮感,係之前嘅電影從未見過,而且表達手法非常之有幽默感。成套電影既idea黎講呢個開場算最有創意。我唔劇透太多啦,未睇嘅就留意開場,睇左嘅你應該會認同我所講嘅野。

deadpool1-gallery-image

Ryan Reynolds演出到位 演活Deadpool口水多嘅性格

我地黎講一講飾演Wade Wilson嘅Ryan Reynolds,Ryan Reynolds同Deadpool一角非常有緣,而且係Deadpool嘅忠實fans,今次電影Ryan更加有份參與劇本同製片,係2002年漫畫入面Deadpool甚至有提到自己樣模似Ryan Reynolds同沙皮狗嘅混合,所以Ryan Reynolds其實命中注定要演Deadpool。

在漫畫Cable & Deadpool #2, 第十三頁中Cable問到Deadpool:「為甚麼一種病毒可以這樣改變人的外樣?」Deadpool回答:「當你像得像Ryan Reynolds與沙皮狗混合的話,你就會明白。」

在漫畫Cable & Deadpool #2, 第十三頁中Cable問到Deadpool:「為甚麼一種病毒可以這樣改變人的外貌?」Deadpool回答:「當你像得像Ryan Reynolds與沙皮狗混合的話,你就會明白。」

Ryan Reynolds係電影中嘅演出實在太到位,完全表現出Wade Wilsonl串串嘴嘴,癲癲喪喪,不屑做超級英雄,對住邊個都冇面比嘅性格。加上成為Deadpool之後有不死身,Ryan再將佢唔怕死個種輕挑推到另一個層次,簡直係確確實實嘅嘴炮型玩家。睇完Deadpool電影會令人不禁係度諗,到底Ryan Renolds真人係咪都係口水多過茶。

deadpool-gallery-05

相信有好多人都會因為今次Fox呢套電影先第一次接觸Deadpool,而Wade Wilson就原汁原味將漫畫入面嘅Deadpool帶到觀眾嘅眼前。如果今次電影大收,到底係Deadpool做就左Ryan Reynolds,定係Ryan Reynolds做就左Deadpool?讀者可以自己思考,編輯就認為今次電影出街之後Ryan Reynolds基本上同Deadpool完美結合,等於大家一諗到Iron Man就會諗到Robert Downey Jr.

劇情簡單普通 無限抽水生色不少

論劇情,Deadpool整套內容比較直接。

主角生cancer,秘密研究組織同主角講可以幫到佢,最後真係醫好左仲有埋超能力但過程極痛苦,仲要個樣搞到好樣衰,諗住搵壞人報仇,點知佢又捉左自己條女。

但係電影採用非線性敍事手法,加上交差剪接,而且過場有DeadpoolWade Wilson自白交代劇性,所以幾有新鮮感。劇性雖然普通但一D都唔覺得悶。而且Deadpool經常自己抽自己水,得閒又串下其他Fox旗下嘅電影。睇Trailer大家都睇到Ryan Reynolds串自己飾演過嘅Green Lantern,係Austrian Day條片度又串過X-Men Origin Wolverine入面嘅Deadpool。電影入抽水同串嘴嘅位會更加多,總之全場笑聲不繼。

deadpool-gallery-04-gallery-image

可能大家都聽過Deadpool有打破第四道牆(4th Wall Breaking)嘅能力。即係會意識到自己係一個角色,會抽離自己出現嘅媒體直接同觀眾講野。電影入面亦都經常有呢種情況,所以Deadpool電影其實真係原汁原味,好多漫畫有嘅特點都會搬上大銀幕,令觀眾睇得痛快。

does-this-prove-the-deadpool-movie-will-break-the-fourth-wall-359306

Deadpool於漫畫中打破第四道牆

 

 

 

 

 

 

Colossus性別反襯Deadpool 兩者互動有喜感

今次Deadpool電影入面加入Colossus(鋼人)呢個X-Men嘅角色其實別有用心,並唔係純粹令套電影多D英雄角色。Colossus係典型超級英雄性格,為人有善心,有正義感,對於自己嘅敵人容易手下留情。岩岩好就同Deadpool相反,但咁岩X-Men就派Colossus黎招Deadpool入隊,令到兩人嘅互動非常好笑,唔係淨係一味打打殺殺。一個就額頭寫住正義兩個字,不斷向Deadpool說教點樣做一個真正嘅英雄。另一個說串嘴到爆,對Colossus講嘅野左耳入右耳出。總之呢兩個角色基本上係成套戲嘅靈魂。

maxresdefault

打鬥拳拳到肉 唔靠誇張特技

睇慣Thor,Iron Man同Avenger嘅大家早說習慣左英雄片應該有超誇張特技,但都話左Deadpool係非一般嘅英雄片。Deadpool有嘅就只係幾把槍同兩把武力刀,打起上黎槍槍精彩,刀刀入心,加上血花四賤,好有視覺效果。建議大家,可以睇III級就睇III級,唔好睇IIB版,爽好多。

deadpool-gallery-04-gallery-image-2

Deadpool一直唔係一線漫畫角色,但佢性格鮮明,搞笑,反傳統。當大家都開始對充滿爆炸,機械裝甲,雷射炮同超高科技嘅超級英雄電影開始麻目,呢一套Deadpool正正掌握到呢個時機推出,令觀眾耳目一新。其實明顯睇得出Deadpool係20th Century Fox用黎試水溫嘅小小實驗,呢套戲Budget有限,又被評為III級。但製作團隊嘅用心就係要同所有觀眾講,即使Budget細,即使係III級,仍然可以令一套受歡迎嘅英雄片。先岩岩試映一個禮拜就咁大迴響,我睇呢個實驗都真係幾成功。

Tagged under:

Copyright 2014 @ AvantVS.hk Avant Vision Supreme 電影音樂動漫資訊. All Rights Reserved.