影評:《賤偵MADAM摷公仔》- 超重口味低俗喜劇

睇電影海報開宗明義話呢套戲“賤過賤熊”,一向性格開放,唔怕低俗嘅小編,當然笑著入場睇。睇完之後覺得原來《賤熊》的低俗程度絕對是小兒科,今次呢套絕對係無底線之作。 賤熊充其量都係得一隻講野唔收口的公仔,今次電影中的世界又學Marvel 玩Cinematic Universe,整個洛杉磯都成為人類同有生命的公仔共存的城市。相信很多已經長大的朋友們都一定有睇過芝麻街這一類的布公仔兒童節目,時代過去,不單止人類已經不再喜歡布公仔,連布公仔自己都自甘墮落,變成不務正業索K嫖妓的“廢中”。主角Phil Philips 算是公仔之中的異類,雖然因為一次失誤丟掉了洛杉磯警察的工作,但是在離職後成為一名相當有名的私家偵探,為布公仔社群服務。Phil 的弟弟Larry 本身就是演出80年代著名兒童節目《歡樂傳真機》的演員,但是連同其他公仔演員相繼被神秘人謀殺,Phil 迫不得已下只好跟以往在警隊時的合作無間,但是目前已經反目的拍檔Connie (Melissa McCarthy 飾) 聯手調查這單針對兒童節目演員的兇殺案…… 其實本齣電影雖然以布公仔為背景,但是中間穿插的大部分情節,都是描述洛杉磯低下階層的潦倒生活。整體而言,查案的部份不過不失,都是比較公式化的劇情,亦沒有太多的打鬥場面,相信觀眾們都不想睇到公仔打公仔咁無聊。 至於觀眾入場最想睇的低俗畫面,除了預告片裡男主角“做完運動”之後的瘋狂噴發,還有很多布公仔Hi 嘢,甚至斷手斷腳的“血腥”畫面出現。本來相同的劇情,如果換了“全人班”,觀眾一定會覺得無聊透頂,不過由於遇害的是公仔,結果就變成了血腥版的芝麻街 (有點像十年前很紅的Happy Tree Friends)。電影主要是炒作觀眾們的所謂童年回憶,對白也充滿抽水成分,不過始終此類型的喜劇沒有太大的發揮空間,而布公仔角色也不甚可愛,連像《賤熊》賣side product 的機會也沒有。所以小編給予的評價只屬普通。…

Read more

《賤偵MADAM摷公仔》- 10月11日兒童不宜

《凸務MADAM》瑪莉莎麥卡菲賤精上身 繼《熱爆MADAM》(The Heat)同《凸務MADAM》(Spy)之後,金像提名爆笑女星瑪莉莎麥卡菲(Melissa McCarthy)終於回歸Madam 出位本色,主演瘋狂喜劇《賤偵MADAM 摷公仔》。為咗偵破一單離奇謀殺案,喪爆Madam 闖入布公仔私竇,反轉黃賭毒三級樂園,帶大家見識下佢哋兒童不宜嘅世界,保證賤過《賤熊》(Ted)! 係犯罪懸疑定黑色喜劇? 講友情亦講英雄 導演伯恩漢臣(Brian Henson)係《芝麻街》同《布公仔樂園》(The Muppet Show)嘅製作人占漢臣(Jim Henson)嘅兒子。伯恩漢臣可謂繼承其父衣缽,早已製作過唔少老少咸宜、以布公仔為主角嘅影視作品;但拍開正路嘢嘅伯恩漢臣導演,今次竟然夠膽將呢個天馬行空嘅想像拍出嚟,更顛覆公司旗下布公仔嘅正面形象,史無前例咁將《賤偵MADAM摷公仔》拍成一部兒童不宜,有性有暴力嘅瘋狂喜劇。 心水清嘅觀眾可能會覺得故事套路同大衛芬查(David Fincher)導演嘅經典犯罪片《七宗罪》(Seven)有幾分相似,冇錯,編劇的確受到呢部作品啟發。所以你話佢係一齣犯罪懸疑片,冇問題;你話佢係黑色幽默喜劇,亦得;你話佢係講一對查案拍檔失而復得嘅友情、甚至係墜落英雄嘅救贖故事,都絕對講得通。 荒謬得嚟好寫實? 布公仔影射社會邊緣族 喺電影入面嘅世界,布公仔有個性、有工作、有興趣,連人類嘅衰嘢都學到足,基本上已經同人類冇乜分別。遺憾嘅係,佢哋俾人類視為二等公民,受盡歧視甚至暴力對待,總被冠以負面形象。諗深一層,咁嘅情況唔係正正影射緊現實社會咩?好似演員伊莉莎伯賓絲(Elizabeth Banks)咁講:「呢個劇本係想講被邊緣化嘅社群、種族歧視以致貶抑女性嘅問題。我哋唔單止想娛樂大家,仲想透過電影語言帶出訊息。」如果觀眾能夠有咁樣嘅視野,《賤偵MADAM 摷公仔》又何嘗唔係一部講社會多樣與包容嘅寫實電影呢? Madam喪爆出偵 索料high爆好狠勁 故事大綱 80 年代兒童節目《歡樂傳真機》嘅布公仔演員連環被殺,於是賤精Madam(瑪莉莎麥卡菲 飾)唯有深入黃賭毒三級私竇調查。點知Madam索料順便索埋糖,high 爆都未有料爆。更離奇嘅係,查查下幾乎所有疑點都指向布公仔拍檔飛機。好在Madam 發現事有蹺蹊,又念在舊日情誼,竟然願意幫佢洗脫嫌疑。正所謂摷兇又有乜好怕喎,生命滿希望,前路由佢喪! 上映日期:2018年10月11日 主演:瑪莉莎麥卡菲、伊莉莎伯班絲 導演:伯恩漢臣 級別:IIB 片長:91分鐘 語言:英語 (中文字幕) 片種:喜劇 │ 犯罪…

Read more