《忍者龜：魅影突擊》 Teenage Mutant Ninja Turtles: Out of the Shadows

6月2日　強勢回龜 

4隻忍者龜二度出擊　幕後精英引爆紐約下水道

《13小時：班加西無名英雄》《變形金剛》米高比爾監製　

《職業特工隊：鬼影約章》編劇班底

上集《忍者龜：變種新任務》（Teenage Mutant Ninja Turtles）正邪大對決，打得難分難解；經過咁震撼嘅一役，4隻基因突變並受過忍術訓練嘅小龜喺下水道養尊處優，抖足兩年！今年夏天，佢哋終於出返嚟喇！唔通，紐約又有大事發生？

今集《忍者龜：魅影突擊》（Teenage Mutant Ninja Turtles: Out of the Shadows）仍然由橫掃全球票房37億美元並屢破票房紀錄嘅《變形金剛》（Transformers）系列賣座導演及監製米高比爾（Michael Bay）傾力製作，並由同樣叫好叫座嘅《職業特工隊：鬼影約章》（Mission: Impossible–Ghost Protocol）拍檔班底祖殊艾貝爾鮑姆（Josh Appelbaum）及安佐連麥（André Nemec）再次拍住上擔任編劇兼監製，製作團隊仲包括一班嚟自《星戰》（Star War）系列、《蜘蛛俠》（Spider-Man）系列等賣座電影嘅幕後猛人，呢個頂尖班底嘅合作結晶實在令人期待！

上集分別飾演忍者龜李奧、拉斐、多納同米奇嘅四位男星，包括：《死蠢鬥一番》（Jackass）喜劇男星尊尼納斯維爾（Johnny Knoxville）、《飢餓遊戲2：星火燎原》（The Hunger Games: Catching Fire）艾倫域治臣（Alan Ritchson）、《捉智雙雄》（Catch Me If You Can）謝洛米侯活（Jeremy Howard）及《異形侵略戰》（Battle: Los Angeles）諾爾費沙（Noel Fisher）將全數回歸；仲有世界著名職業摔角手希莫斯（Sheamus）特別演出變種半獸人洛克史迪（Rocksteady）；飾演愛普（April）嘅《變形金剛》索女美瑾霍絲（Megan Fox），當然亦會繼續上陣，聯同新戰友幪面俠凱西瓊斯(史提芬艾美爾  飾)合力為對抗更強大敵人展開連場驚天硬仗！

宿敵肆虐　紐約大亂　忍者龜拒絕再忍　決心重整秩序！

忍者龜李奧、拉斐、多納、米奇同索女記者愛普合力擊退「大腳板」犯罪集團後，其首領施萊德又試捲土重來，仲搵嚟蒼蠅博士暗中進行變種人計劃，將兩個街頭惡霸巴比同洛克史迪改造成頭腦簡單但力大無窮嘅半獸人，繼續橫行曼哈頓。同時，「大腳板」嘅幕後主腦克朗死心不息，再度向紐約展開侵略行動……面對多重威脅，4隻正義嘅忍者龜聯同意外認識嘅新戰友Casey Jones，將會為保衛紐約築起最強陣線，並肩對抗可怕敵人！