《Power Rangers: 戰龍覺醒》:唔夠緊湊但期待下集

美國佬改編日本仔人氣故事已經見怪不怪,呢期除咗呢套Power Rangers之外仲有Scarlett Johansson嘅《攻殼機動隊》,睇嚟日本仔真係創意無限,啲美國佬編劇睇得太多復仇者聯盟都忍唔住向日本仔抄下橋。

power rangers

其實今集嘅Power Rangers 係20年前同名電影嘅Reboot版本,劇情就主要改編自1993年美國版金剛戰士嘅第一季電視劇,當然選角方面就全部揀選年青嘅新晉演員孭飛。劇情都係比較大路:5個年輕人各自有自己嘅問題,例如貪玩要守行為、有社交障礙經常被欺凌、甚至有女同志但不被家人接受等等。五個年輕人卻因緣際會意外獲得了來自外星的戰士力量,面對即將入侵地球破壞家園嘅邪惡女王,在上一代Power Rangers領袖Zordon 的協助下,明白了同心協力嘅意義,最後成功變身紅黃藍黑紫的五色金剛戰士,打敗了壞人。

power rangers

全齣戲不過不失,但開頭要交代的背景和組成團隊嘅時間拖得比較長,前半部分文戲比較多,到了後半部分可能因為時間不夠的關係,成功變身之後就馬上挑機打大佬,最後又五隻怪獸機械人組合成超級高達,總算是有點小驚喜。

美國的超級英雄電影現在大多需要顧及種族平等和性別平權的觀念,今次的選角都特意挑選了白人、拉丁裔、亞裔、非裔、印裔的演員擔任五色戰隊的不同角色(男主角當然仍然是白人),當中五個人曾經有過矛盾有過衝突,大敵當前最後當然能夠一一化解。

power rangers

之前《美女與野獸》的同性戀情節掀起了一陣熱烈的討論,其實本齣戲裡面也加入了一些與同志有關的討論。黃色戰士在劇中坦白自己是女同志,也坦承自己的性取向不被保守的家人所接受。但對這方面的討論也是點到即止,原本以為黃戰士會跟紫戰士發展一段同性曖昧關係,不過看來紫戰士跟紅戰士一對才是正道吧。

power rangers

電影的最尾部分透露了還有一位未曾出場的綠戰士,看來Sony 打算把Power Ranges 繼續拍下去,小編其實比較希望五色戰士的裝甲可以重新設計,配合這個年代的審美觀。這齣戲裡面的戰士裝仍然是90年代的經典設計,看上去還是擺脫不了傳統日本超人片的呢種廉價味,假如能夠換成比較貼近目前潮流嘅戰衣,也許角色造型上會更加受歡迎。

Copyright 2014 @ AvantVS.hk Avant Vision Supreme 電影音樂動漫資訊. All Rights Reserved.