《移動迷宮：死亡解藥》影評：三部曲的完美落幕

憑著移動迷宮系列跑出的三位主角，Thomas, Newt 同 Oppa Minho，相信小編都唔需要多作介紹。今次嚟到移動迷宮嘅最後一集，一眾主角已經一早就逃出迷宮，向最大仇人WKCD 世災殺署終極報復！

近日明珠台重播返上兩集移動迷宮，不過好明顯只有第一集先係同 “移動迷宮” 有關，第二集已經變調變咗喪屍片，至於第三集，我覺得似特務片。第三集講述主角們加入咗反抗WKCD 嘅軍團，但係OPPA Minho 喺上集就被WKCD 擄走。反抗軍需要潛入WKCD 嘅老巢 – 號稱人類最後的堡壘。

雖然故事內容已經完全跳出移動迷宮嘅範圍，不過世界觀擴大之後，故事反而引發咗觀眾對於WKCD 嘅觀感有所改變。WKCD 為咗研製出喪屍病毒解藥，而選擇不人道地對待所謂有免疫能力的年輕人。究竟為咗大多數人的利益而犧牲少數人是否正確？女主角Theresa 就係抱持犧牲小我成就大我的觀念，而Thomas 就選擇不自由毋寧死。究竟誰對誰錯？值得觀眾深思。

電影的視覺效果相當出眾，但是牆外叛軍忽然攻入城，最尾大焚城的一幕卻是顯得有點為做而做。不過人人揸支槍，見人就殺，對於啱啱發生槍擊慘案的美國人嚟講，係咪又有另一層意義？