[劇透慎入!]《復仇者聯盟3:無限之戰》影評:復仇者?伏愁姐?

唔需要小編提醒咁多位讀者,大家都知道近期最熱爆的電影絕對非《復仇者聯盟》莫屬。號稱磨劍十年,鋪天蓋地的宣傳攻勢,集合幾乎漫威電影宇宙 (MCU) 的所有角色,不論你是否漫威的fans,都無可否認今集《復仇者聯盟3》絕對是劍指打破票房紀錄的終極猛片!

(以下內容含有劇透成份,未睇電影嘅讀者可以禁上一頁離開)

avengers, marvel, infinity war

哇哇哇!相信睇到呢度嘅讀者已經係睇完電影先click 入嚟睇,唔知睇完電影嘅讀者對於呢部電影有咩評價呢?
對於小編嚟講,復仇者聯盟3 絕對係Marvel 歷史上最大規模的製作,上映之前小編都對於導演羅素兄弟如何駕馭電影超過20位超級英雄感到懷疑,如何讓每位英雄都有機會登場並參與劇情的推進。不過看完電影之後,小編終於明白到一如導演羅素兄弟上映前接受傳媒訪問時表示:其實今集電影的真正主角是 “大魔王”薩諾斯。整齣電影都是以薩諾斯收集六粒無限寶石為主軸,雖然電影為了讓不同角色得以發揮,將英雄們放在不同的地點嘗試阻止薩諾斯取得寶石,但是最後都是徒勞無功。

avengers, marvel, infinity war

看完復仇者聯盟3,但是卻沒有看過任何一集《銀河守衛隊》的觀眾們,就記住拿拿臨返去睇翻啦!因為銀河守衛隊在今集復仇者聯盟的重要性舉足輕重,尤其是講述薩諾斯與葛摩拉之間的 ‘養’父女情。如果冇睇過銀河守衛隊的話,可能就會對守衛隊的成員背景比較陌生。只可惜的是,雖然有前兩集銀河守衛隊作為鋪墊,但是在尋找靈魂寶石的時候,明明葛摩拉先講話:“你剩係愛你自己,今次上天終於俾到考驗俾你”,跟著轉個頭薩諾斯就忽然眼濕濕咁話最愛係葛摩拉你,然後嚟手將葛摩拉扔落懸崖拎走靈魂石。呢段嘅感情位的確略嫌牽強,畢竟薩諾斯單方面愛葛摩拉應該唔足以令劇情變得有說服力。畢竟小編想起哈利波特:火盃的考驗,佛地魔復生的其中一個條件就係要僕人自願犧牲一隻手臂,如果葛摩拉不是自願犧牲的話,薩諾斯只是謀殺,談不上從容就義。

avengers, marvel, infinity war

另一可惜的地方,就係很多人討喜的小奸角洛基出場冇耐就俾薩諾斯殺死,比起好多觀眾都會認為片尾化灰消失的角色並不是真正死亡,但是洛基卻是被薩諾斯親手捏死,所以在復仇者4見到男神洛基的機會應該相當小了。

avengers, marvel, infinity war

電影完結後的片尾彩蛋,Nick Fury 在化灰之前啟動的召喚器,明顯就是預告下集復仇者4的一位新主角出現,大家知唔知係邊個?就係 Captain Marvel!

Tagged under:

Copyright 2014 @ AvantVS.hk Avant Vision Supreme 電影音樂動漫資訊. All Rights Reserved.