Author archives:

11月 26日 好性變超人 《爆粗BAND友》原作者另一出位爆笑漫畫搶攻大銀幕   《寄生獸》染谷將太‧“宅男女神”真野惠里菜  全力變身超能人 日本漫畫家若杉公德繼《爆粗BAND友》後，另一部抵死爆笑的作品《超能勁處男》(港版漫畫譯名：《全能人‧廢能事》)接力出擊。漫畫於2009年開始連載，內容極度大膽，科幻、色情與搞笑兼而有之；加上主角古怪的超能力及他們在正義與性之間掙扎成長的故事，令讀者人數火速增加。2013年，漫畫被改編為電視劇於深宵時段播放。以出位風格見稱的導演園子溫執導，曾奪得日本金像獎的染谷將太飾演男主角鴨川嘉郎。女主角方面，請來前“MORNING娘＂人氣成員真野惠里菜飾演淺見紗英，一改清純形象，大量露底場面，挑戰女神尺度！憑著極具爭議性的露骨情節，首播後引起無數觀眾注意，加上女角們的瞓身演出，令收視不斷飇升。導演園子溫乘勝追擊，召集染谷將太及真野惠里菜，製作電影版《超能勁處男》；今年11月，這股來自超能廢青的無限精力，勢將谷爆大銀幕！   一班爆Seed性人  組成廢能者聯盟  拯救世界有冇可能？ 話說太陽系內的天體罕見地形成特殊排列，導致某類宇宙輻射照射在地球的特定地區，使得某些人突然擁有超能力。有這種超能力覺醒的人必須要具備以下三個條件： 沒有性經驗 處於某種情意結之中 遭宇宙輻射照射時正在打J 高中生鴨川嘉郎，在超能力覺醒後，擁有透視別人思想的超能力。他與一群同樣擁有超能力的朋友，將要面臨一次重大挑戰！地球突然出現驚天危機，人類隨時被滅絕，這群以性幻想引爆超能力的處男戰隊，如何以各種古怪又騎呢的神奇力量拯救世界？…

11月12日  小心女人   奇洛李維斯越軌闖入情色禁區　　破格演出．肉搏美少女﹗ 《殺人慾室》得獎導演 挑戰情慾尺度 非常驚慄之作 父親節，本來最啱一家大細共享天倫樂；點知公事纏身，老婆帶兩個仔女去度假，自己就要獨留家中做好份工！捱到半夜三更悶悶地之際，竟然有兩個花樣女子拍門求助，想借宿一宵……呢個時候，你估，一個平時擔屎唔偷食嘅住家男會點做？荷里活影壇多面手艾利羅夫（Eli Roth）聯同荷里活型男奇洛李維斯（Keanu Reeves）一齊為你解開謎底！ 荷里活鬼才艾利羅夫，唔止演技出色，編、導、監製、剪接、甚至音效配樂都難唔到佢。2005年自編自導及監製驚慄片《殺人慾室》（Hostel），大放異彩，贏得多項國際影壇大獎。之後艾利羅夫拍住大導演昆頓塔倫天奴（Quentin Tarantino）及羅拔洛迪格斯（Robert Rodriguez），玩票式客串執導《希魔撞正殺人狂》(Inglourious Basterds)、《索女‧喪屍‧機關槍》（Planet Terror）及《玩命‧飛車‧殺人狂》（Death Proof）等Cult片之後，今次再度回歸驚慄世界，自編自導及監製《夜半女敲門》（Knock Knock）；話畀男觀眾知，夜半敲門要小心！亦溫馨提示女觀眾，無論老公幾咁正人君子，都有可能出軌，玩死自己同埋屋企人！ 故事取材自1977年老牌導演Peter Traynor經典驚慄名作《Death Game》。兩位南美裔索女羅倫莎伊素（Lorenza Izzo）及安娜迪艾瑪絲（Ana de Armas），在片中不但瞓身演出色誘「奇哥」嘅超尺度床戲，更會不斷變態虐待呢位超級型男；破格演出定必令奇洛李維斯嘅影迷耳目一新！難怪辛丹斯電影節影評（Sundance Film Review）都大讚演員出色，仲透露時下嘅科技及網絡生活，令《夜半女敲門》嘅驚嚇感更勝舊作！        平生不作虧心事　夜半索女敲門  好狠……驚﹗ 建築師依雲（奇洛李維斯 飾）事業得意、家庭美滿，過住令唔少人艷羨嘅生活。一個風大雨大嘅晚上，一次夜半敲門，兩個自稱蕩失路嘅女仔，令呢個行得正企得正嘅好男人跌落死亡陷阱！半夜三更，碰巧妻子同仔女離家度假，獨守空房嘅依雲敵不過美色當前，實行英雄救美，更得到兩個靚女以身相許報答！不過，估唔到一夜風流之後，就係惡夢嘅開始！堂堂男子漢畀兩女玩到甩皮甩骨，更被人將醜事即時上傳……隨時死咗都冇人可憐！  …

11月19日  巧多事 ^^ 票房衝破15億  搞笑港星串爆鏡 囧遊香港膠玩無妨？　唱住金曲反轉小街大巷！  暌違3年，《人在囧途》系列電影又再強勢回歸！《港囧》在全國上映兩周即破15億票房紀錄，升勢凌厲，破盡華語片單日、首日、首周等票房紀錄，成為華語片史上最高票房嘅2D片，更直逼《捉妖記》早前創下嘅紀錄，坐亞望冠！ 光頭大叔徐崢上回大鬧完泰國，囧癮又發作，今次終於囧到嚟香港，再度自導自演爆笑力作《港囧》！你以為佢實去太平山頂、去維港觀光自拍，走奶粉搶iPhone？實情係比自由行瘋癲1000倍！佢哋喺港九大街小巷穿梭，追追逐逐，跳上跳落，遇著王晶導演拍戲，仲做埋茄哩啡。做完二打六又誤入雞竇，畀江湖大佬林雪追殺，差啲走唔甩！想搵阿葛Sir幫手拆掂佢，點知又遇著個無間道！真係囧人囧事一籮籮！膠遊香港玩到咁盡，原來……係為咗見初戀情人杜鵑？仲畀老婆趙薇識穿？唔緊要！一於唱番幾隻懷舊粵語金曲冧冧佢，搵埋一眾爆笑港星葛民輝、李燦森、詹瑞文、林曉峰、鄭丹瑞、苑瓊丹、吳耀漢……客串做一場大龍鳳就更加ichiban喇！ 嚟香港尋找初戀　點知全城因佢反轉！ 中年商人徐來（徐崢飾）陪老婆蔡菠（趙薇 飾）同屋企人嚟香港旅遊，真正目的其實係想同初戀楊伊（杜鵑 飾）偷偷見面。約會當日卻不幸被舅仔拉拉（包貝爾 飾）識穿。拉拉陰魂不散，死纏爛打，從旺角到中環，從彌敦道到銅鑼灣，兩人你追我趕，反轉港九，搞出膠事一籮籮……      …

2015年11月12日  緣聚小深秋  ※【辛丹斯電影節】得主 ※ 專業評審大獎．最受觀眾歡迎獎 病情冇得醫？友情有得救！ 沿途多得你，暖透我左右。 心跳  209  天的時候，美好生命中才沒有缺憾 故事簡介 心跳209天的時候，美好生命中才沒有缺憾！「二十世紀福斯影片」誠意獻禮，本年度最清新破格青春絮語──《初戀有病》(ME AND EARL AND THE DYING GIRL) ，把甜蜜活潑的友誼歲月拍得好玩輕巧，憑著別出心裁的精緻編導風格，不但大熱贏得年度【辛丹斯電影節】中「專業評審大獎」和「最受觀眾歡迎獎」兩大殊榮，更廣獲全球影評一面倒推荐。小文青Greg性格善良卻帶點孤僻，正值高中年代的他，滿腦子孤芳自賞鬼主意，終日沉迷跟老死Earl拍攝短片，天馬行空的戲謔自己最愛經典電影，自娛一番。直到某天，Greg結識了樂天開朗的絕症少女Rachel，迅即改變他觀看世界及體驗人生態度。很快地二人微妙關係從友情中漸漸萌芽，醫不了的生命唯有靠真心打救；Greg更把說不出情感，灌入精心炮製的短片作品之中，製造出無限感動，超越想像…  導演：阿芳素哥密斯域莊 (Alfonso Gomez-Rejon) 主演：湯馬士曼 (Thomas Mann)、奧莉花高姬 (Olivia Cooke)、R.J. 西拿 (R.J. Cyler)…