雖然政府宣傳不遺餘力，但是真正吸引小編前往此展覽，除了某KOL外，還有Ubisoft在會場限定的雪條。主貼圖是展覽的入場劵，不易脫掉之餘亦方便工作人員查閱，真心要俾個Like！ 剌客教條主題雪條。普通朱古力味雪條，勝在造型奇特，特此拍照留念。 Zotac主場館。由於天氣太熱，再加上主體為黑色帆布，因此內部不少機件因過熱而故障。 Zotac館賣點之一：VR試玩體驗區。亦因過熱關係，曾一度暫停。人山人海的Logitech館。雖然主要功能為清貨，但亦自行邀請一班KOL在內表演。當然，基於黑色的關係，此館是全埸最熱場館。 題外話，館內展示Logitech最新的黑科技滑鼠—–G903，但願有緣開箱測試。 冠名贊助商，自然有一席之地。PlayStation館。旁邊貨櫃內為PS VR試玩區。 天氣太熱，使主舞台觀眾都躲在陰涼位置參與活動。美食區。正常景點飲食收費水平，可惜天氣太熱，完全提不起興致搵食。美食區參與名單。 其他參展品牌抉攤位總覽。 總結：太熱了，完全沒心情行展。縱使安排再好，都提不起興致參與。如果重點埸館換為淺色主體設計，及增加更多帳篷供遊人避暑，我相信整個展場都會更舒適。 希望主辦方汲取教訓吧。…
Read more
前言 為何一個正常的影評人，要將一篇影評加上「共狗」的標籤呢？因為以下所評論的電影，拍攝目的之一是「慶祝中國共產黨建軍九十週年獻禮影片」，有美化共產黨(因解放軍為中國共產黨的一部分)之嫌，亦即是坊間部份人所指的「洗腦」。由於香港大眾均對「洗腦」一詞十分敏感，因此編者自嘲為「共狗」。此標籤既表示反諷對「洗腦」一說的迷思，又表示已經閱讀足夠的參考資料進行評論，以達致理性、公允的評論。 正文 是次評論不會藉機討論國共兩黨誰優誰劣，因為編者相信歷史自有公論。是次評論主旨為：與之前存在的大量「洗腦」片相比，究竟香港導演所拍攝的會不會更好看？能否有效達到出資方的目的？ 與央視為首所拍攝的「致敬」片相比，此片能提供更多的觀賞興趣。首先，傳統的「致敬」片集中描寫毛、朱、周等人何等英明神武、殺伐果斷、付出巨大等等，其他角色不是略寫，就是醜寫。此劇除了寫毛、朱、周三人外，其他在「八一起義」事件的重要人物，均有重要描寫，如：葉挺、蔣介石、汪精衛、賀龍、劉伯承、林彪、粟裕、陳獨秀、張國燾等等。當中以葉挺的勇往直前、蔣介石的年少得志、汪精衛的首鼠兩端、賀龍的直腸直肚最為印象深刻。其次，導演花了不少預算在各種慢鏡上，不論是眾人物的關鍵表情動作、還是重點武器的使用情況，有助觀眾更能代入電影所描述的時空，了解究竟何者改變了歷史。再者，導演花了不少編幅全方面描寫各血腥場景，如：行刑、破壞、戰爭等，重新賦予閱讀此類題材時應有的嚴肅感，提醒觀眾應該好好地以史為鑑。 總而言之，與傳統歌功頌德的影片相比，此劇少了很多「政治正確」的拍攝舉動。對於我等閱讀觀看不少共產黨文宣的朋友，此片的確能提供新鮮感，重新了解那段歷史。 那麼，新的拍攝手法會不會減低共產黨所祈求的效果呢？本人認為不會。 因為編劇精心挑選對共產黨宣傳有利的場景，如：四一二國民黨大規模清黨屠殺、共產黨內部會議時建國者(後來)的據理力爭、毛周朱三人因理想而各自放棄的東西、毛澤東所主張的抗爭策略等等。當中以毛澤東拋妻棄子去參與革命最為動容。他們細心編排事件的先後次序，符合史實之餘順道合理化解放軍存在的必要，成功為共產黨執政正名。 總結：如果想短時間內了解共產黨為何能合理長期執政，《建軍大業》是一套不錯的電影。 當然，立場中立的小編有責任提提你，這是一套「致敬」、「獻禮」、「祝賀」的影片，請注意。…
Read more
初窺標題，大家會想起什麼？淫亂？放蕩？ 對，也不盡然。 片中固然有淫亂放蕩的情節(如召男脫衣舞者、充滿性意味的玩具等等)，但這些情節只是一個引子，用來引出一段段爆笑的情節。劇中笑點都是從美國的各種文化差異取得靈感，編劇厲害之處在充分安排各種矛盾適時爆發，又能合情合理地化險為夷。每當觀眾情緒十分緊張時，適時放出一兩個笑點紓暖大家的情緒，使電影在輕快的節奏下不失話題深度。 這是一套適合心智成熟的朋友約會時一起觀賞的電影，因為不論從表面劇情發展或從電影深層意義，電影提供充分的討論空間供大家發揮。 最後一句，此片有兩段片尾，均十分有趣，千萬不要過早離場！ …
Read more
話說前幾天，食完午餐的我收到舊同學的電話： 舊同學：Harz，你識唔識呢個叫JXXXXXX CXX 嘅人？ 我：唔識，咩事？ 舊同學：是咁的，呢個JXXXXXX CXX係HTC嘅Sales今日打電話黎，叫我地(佢間公司)入貨。 (突然話題一轉) 舊同學：你部U11係邊買？幾錢？ 我：$5598，係HTC HK間網店買。 舊同學：你話$5998？ 我：係$5598，官方建議零售價。 舊同學：咁你知唔知HTC開咩價比我？ 我：講。 舊同學：U11開$5098………. 我：吓？新旗艦一部賺唔到五百(已經有鋪頭平二百)，HTC食水真係深。 舊同學：你都覺呢！當然咁嘅Plan唔夠吸引啦，所以佢開咗一個優惠Offer俾我…….. 我：咩優惠？ 舊同學：就係可以用半價(指官方建議零售價)入U Ultra同埋U Play…….. 我：唔係掛，U Ultra本身評價一般，不少鋪頭開始約六折清貨…….. 舊同學：所以我咪唔睬佢囉。唔係唔想幫，但係咁點幫落手？ 我：……好啦，辛苦你了。下次有機會聚聚。 舊同學：好啦，拜。(馬上收線) 講完電話，我突然明白，明明HTC的手機不比其他品牌差，有時表現還跑贏大市，為何HTC還是一個小眾品牌呢？ 原來係HTC官方本身讓利給分銷渠道太少，所以各店都不願意推HTC的手機。 都係一句，不作死不會死。 你何時才醒悟呢？HTC。 …
Read more
每隔幾年，每當有minions 系列電影之時，全港就再次吹起迷你兵團狂熱，碌下Facebook 都全部俾啲黃豆仔洗晒版，小編入場的時候，見到全戲院都幾乎係一家大細買飛入去睇新一集《壞蛋獎門人》。 基本上入得場嘅小朋友同大朋友都係為咗睇黃豆仔，經過上次只有平平評價的迷你兵團單飛前傳，今次《壞蛋獎門人3》的原班人馬Gru和Lucy，以及他的三個可愛的女兒再次登上銀幕與觀眾見面。劇情係點樣打壞蛋我相信未睇過電影的觀眾或者會想自己去了解，上兩集Gru由收養三個女兒再到同Lucy結婚，已經改邪歸正的他還能夠搞出啲咩新意？今集電影就為佢揭開身世，原來犀利哥仲有一位孖生兄弟叫巴閉哥，個樣同犀利哥生得一模一樣但係就多咗一頭金髮，孖生阿哥力勸犀利哥重新成為壞蛋，犀利哥喺正義聯盟不受重用令佢萌生做回壞蛋老本行的念頭。兄弟同心協力之下，一齊對抗今集打扮老土到爆的過氣童星“鬍鬚柏”。 今集重回犀利哥的主線劇情，迷你兵團的角色反而變得可有可無，觀眾可能在地鐵站的電影廣告見到迷你兵團今次主打“監獄風雲”，但是其實囚犯打扮的迷你兵團跟Gru的主線並沒有太大關係，反而像兩條平行的故事線，迷你兵團在電影的一半部份孭重飛。全套電影變成了東拼西湊的感覺：Gru兄弟打大魔王；Lucy慢慢與女兒建立感情；迷你兵團做監獄大佬，三條線基本上都各不相干，不過相信願意入場的多數都是之前兩集《壞蛋獎門人》一直追落去的觀眾，續集越拍越冇期待是常識吧。 最後值得一提的就是今集的壞蛋“鬍鬚柏”主打荷李活舊歌，有Michael Jackson的 “I’m Bad”、有 Aha 的 “Take on me”，也有Madona “Into Groove”，相信不少小朋友包括小編其實對這些經典歌也沒什麼認識，也許劇組希望透過這位“過氣童星”壞蛋來順便致敬一下荷李活八九十年代的經典之作吧。…
Read more
src="https://www.youtube.com/embed/pEe1etIulaY" frameborder="0" allowfullscreen>
呢個地球相信已經冇辦法再阻止到Michael Bay繼續拍變形金剛，其實之前上幾部已經將Transformer系列拍到臭晒朵，劇情一次比一次無厘頭，然後導演瘋狂用飛機大砲大爆炸嚟吸引觀眾眼球。電影海報嘅宣傳攻勢已經開始喺各大地鐵站巴士站出現，比較驚喜嘅新演員有剛剛在美劇WestWorld 爆紅嘅Anthony Hopkins和新女主角Laura Haddock，而麥克華堡繼續擔任男主角。電影卡士十足，視覺效果當然絕不失禮，但是看過電影的小編只能以失望來形容本齣電影，或者當初就唔應該抱有任何期望。 故事劇情完全可以用混亂不堪來形容：一開始講述中世紀的亞瑟王率領群雄，在節節敗退的危急關頭下獲得變形金剛的幫助而取得勝利，然後鏡頭一轉回到柯柏文離開地球“尋根”，而其他博派被打壓的現代世界，男主角麥克華堡同小女主角Isabela Moner以及一位連名都唔知嘅二打六角色為拯救仍然留在地球的變形金剛而被軍隊連番追殺；逃出生天之際，卻又突然被一個搞笑的英式管家金剛帶到英國Sir Edmund Burton (Anthony Hopkins 飾) 的城堡；正當觀眾已經看到一頭霧水的時候，遠在宇宙的柯柏文在他的母星被他的造物主Quintessa 洗腦，要柯柏文協助毀滅地球。然後柯柏文以壞人身分返回地球，我相信我講到呢度，讀者們已經唔想再睇到我繼續寫劇情落去… ? 毫無疑問，變形金剛系列出色的地方在於其目不暇給的視覺特效，本齣亦不例外，乒乒砰砰的大戰場面絕無欺場，或者小編已經看慣了宇宙飛船那些“招 招 招”的特技，本齣反而比較欣賞電影一開始的一段中古時代亞瑟王的戰爭場面，原本以為亞瑟王這條故事線會有更多的發揮，但是拍完一場大龍鳳之後只是為了交代一支神扙的下落。至於其他方面，劇情上已經爛得不能再爛，不同故事之間的聯繫非常薄弱，尤其是柯柏文本身由好人變成壞人，再變返做好人的一段簡直可以用兒戲來形容，然後改邪歸正的柯柏文率領一眾博派，三爬兩撥就把狂派和其他壞人打到落荒而逃，究竟是不是因為前面尋找線索的那些無聊情節佔用了太多時間，最後的“終極一戰”只用了不夠15分鐘變草草收場？ 最後不得不提就是來自中國大陸的置入式廣告實在太過明顯，每次出現這些置入式廣告都會引來全場觀眾發笑，還有一些完全不好笑的笑話以及得啖笑的所謂劇情，究竟《變形金剛》系列除了特效還剩下甚麼？…
Read more
呢套戲齋睇個名真係有啲不明所以，叫《天賦的禮物》，可能英文名會有多啲頭緒 “Gifted”：呢個英文字一方面可以解咗上天嘅恩賜，而另一個解釋就係上帝賜給人類其中一樣最好嘅禮物：智慧。講戲名可能讀者都唔係好知我講緊乜，不過睇卡士我諗你應該會感興趣啲：冇錯，就係人人都識嘅美國隊長Chris Evans ? 美國隊長除咗做大英雄之外仲識得做啲咩呢？今次美國隊長終於放低件制服，修心養性做住家男湊女，今次仲要飾演一個照顧家姐死後留低姪女嘅單親爸爸。原來戲名嘅Gifted就係因為呢個姪女原來係一個gifted嘅資優生，仲要係一個七歲就識得解大學程度數學嘅天才。Chris Evans個阿媽，姐係細路女個外婆，一直都想將呢個細路女當做一個天才兒童咁栽培，想佢好似沈詩均咁即刻讀大學，但係作為養父嘅美國隊長就希望佢姪女能夠好似其他小朋友一樣有一個無憂無慮嘅愉快童年，唔想佢咁快就要變成一部失去童真嘅數學研究機器。雙方甚至為咗呢個細路女嘅撫養權而不惜對薄公堂… 故事最後當然係大團圓結局啦，不過我覺得呢套戲嘅重點唔係美國隊長今次有幾型幾chok，而係站喺呢個天才細路女嘅立場，到底點樣嘅教育對佢先係最好？究竟應該好好善用佢嘅天才，甚至不惜要佢放棄同好朋友一齊返學享受童年嘅日子，定係讓佢成為一個同普通人無異嘅一個平凡小朋友？呢個睇怕唔單止係戲裡面嘅問題，仲係普天之下父母之間都要面對嘅問題。有點可惜嘅係電影嘅結局某程度上有點太過理想化，一個過份完美嘅結局令呢個可憐天下父母心嘅難題得唔到一個更深入的探討。 相比起美國隊長一貫chok樣同溝女嘅戲路，本片最大嘅驚喜應該係作為小女主角嘅Mckenna Grace，雖然年紀只有十歲，但係論演技完全讓人感覺係一個非常有經驗的演員。充分演活一個天才兒童所面對的難處，無論係上堂串爆老師，同大人有趣招積嘅互動，同時演繹出佢同Chris Evans 之間深厚嘅父女情，場面相當感人，打動了不少觀眾。最令我印象深刻的一幕，以夕陽作為背景，鏡頭只有Chris Evans和Mckenna Grace在斜陽下投射出來的兩個黑影，細路女好活潑地喺養父嘅身上擒高擒低，另一邊Chris Evans同佢講述人生在世活著應有的意義，呢幕不禁令我反思，到底一個人應該要點樣先能夠活出最無悔的一生？…
Read more
小編作為科技界嘅發燒友都已經至少有五六年，去矽谷朝聖一直以來都係小編嘅夢想，矽谷作為世界IT工業嘅搖籃，匯聚咗無數嘅精英同創意，短短二十年內誕生出無數嘅科技巨頭。小編喺上年到咗美國做半年交換生，終於有機會親自飛到三藩市，一探矽谷呢個科技界聖地嘅神秘面紗！ 點樣去三藩市？ 喺香港去三藩市，基本上只有一個方法，就係坐飛機。其實由香港坐直航去三藩市嘅選擇唔多，除咗國泰航空之外，仲有美國聯合航空 (冇錯，就係嗰間聯合關公航空)。直航三藩市嘅價錢的確係比較貴，小編岩岩喺skyscanner check 過，如果暑假期間出發的話，至少都要六千幾七千蚊。如果唔介意轉機的話，其實喺日本轉機或者喺韓國轉機都係一個唔錯嘅選擇。小編當時唔係直飛三藩市，而係先搭國泰航空去東京成田再轉飛新加坡航空去洛杉磯，全程大概15小時，來回程都係大概五千幾蚊，都平咗一截。當然如果想再平啲可以坐東方航空去上海轉機，不過國內航空公司就自己衡量啦。 由於小編喺先去LA嘅關係，所以我係喺LA坐夜巴去三藩市。洛杉磯同三藩市一南一北，基本上係加州兩個最大嘅樞紐城市，但係如果唔坐內陸機的話，就只可以坐八個鐘巴士去，再唔係就要自己揸車，畢竟喺美國基本上人人都有車，所以我坐巴士去三藩市嗰陣架巴士都唔係特別多人。 如果唔怕捱眼訓的話，夜晚十二點巴士喺洛杉磯開車，第二朝清早七點半就會去到三藩市。巴士收費會平過飛機，但係其實唔係真係平好多。我張巴士飛就係$20美金，飛機的話就要$40-50美金，不過飛機只需要個半鐘就飛到三藩市。 初到三藩市 岩岩到步三藩市嘅感覺就係呢個城市天氣相當清涼，洛杉磯相對會比較乾燥，三藩市就比較濕潤，但係完全唔會好似香港咁侷促。同埋三藩市本身係一個相對寧靜嘅城市，生活節奏比起紐約或者洛杉磯呢啲大都會緩慢好多，更加唔會話經常人多擠迫，所以所以難怪三藩市被稱為全美最宜居城市之一。 今日就首先簡單介紹下三藩市呢個城市，嚟緊繼續同各位讀者分享小編喺矽谷嘅見聞！…
Read more
