Author archives:

媽!好亂呀!:《變形金剛:終極戰士》影評

呢個地球相信已經冇辦法再阻止到Michael Bay繼續拍變形金剛,其實之前上幾部已經將Transformer系列拍到臭晒朵,劇情一次比一次無厘頭,然後導演瘋狂用飛機大砲大爆炸嚟吸引觀眾眼球。電影海報嘅宣傳攻勢已經開始喺各大地鐵站巴士站出現,比較驚喜嘅新演員有剛剛在美劇WestWorld 爆紅嘅Anthony Hopkins和新女主角Laura Haddock,而麥克華堡繼續擔任男主角。電影卡士十足,視覺效果當然絕不失禮,但是看過電影的小編只能以失望來形容本齣電影,或者當初就唔應該抱有任何期望。   故事劇情完全可以用混亂不堪來形容:一開始講述中世紀的亞瑟王率領群雄,在節節敗退的危急關頭下獲得變形金剛的幫助而取得勝利,然後鏡頭一轉回到柯柏文離開地球“尋根”,而其他博派被打壓的現代世界,男主角麥克華堡同小女主角Isabela Moner以及一位連名都唔知嘅二打六角色為拯救仍然留在地球的變形金剛而被軍隊連番追殺;逃出生天之際,卻又突然被一個搞笑的英式管家金剛帶到英國Sir Edmund Burton (Anthony Hopkins 飾) 的城堡;正當觀眾已經看到一頭霧水的時候,遠在宇宙的柯柏文在他的母星被他的造物主Quintessa 洗腦,要柯柏文協助毀滅地球。然後柯柏文以壞人身分返回地球,我相信我講到呢度,讀者們已經唔想再睇到我繼續寫劇情落去… 😅   毫無疑問,變形金剛系列出色的地方在於其目不暇給的視覺特效,本齣亦不例外,乒乒砰砰的大戰場面絕無欺場,或者小編已經看慣了宇宙飛船那些“招 招 招”的特技,本齣反而比較欣賞電影一開始的一段中古時代亞瑟王的戰爭場面,原本以為亞瑟王這條故事線會有更多的發揮,但是拍完一場大龍鳳之後只是為了交代一支神扙的下落。至於其他方面,劇情上已經爛得不能再爛,不同故事之間的聯繫非常薄弱,尤其是柯柏文本身由好人變成壞人,再變返做好人的一段簡直可以用兒戲來形容,然後改邪歸正的柯柏文率領一眾博派,三爬兩撥就把狂派和其他壞人打到落荒而逃,究竟是不是因為前面尋找線索的那些無聊情節佔用了太多時間,最後的“終極一戰”只用了不夠15分鐘變草草收場?   最後不得不提就是來自中國大陸的置入式廣告實在太過明顯,每次出現這些置入式廣告都會引來全場觀眾發笑,還有一些完全不好笑的笑話以及得啖笑的所謂劇情,究竟《變形金剛》系列除了特效還剩下甚麼?…

Read more

感人至深,真情流露:《天賦的禮物》影評

呢套戲齋睇個名真係有啲不明所以,叫《天賦的禮物》,可能英文名會有多啲頭緒 “Gifted”:呢個英文字一方面可以解咗上天嘅恩賜,而另一個解釋就係上帝賜給人類其中一樣最好嘅禮物:智慧。講戲名可能讀者都唔係好知我講緊乜,不過睇卡士我諗你應該會感興趣啲:冇錯,就係人人都識嘅美國隊長Chris Evans ? 美國隊長除咗做大英雄之外仲識得做啲咩呢?今次美國隊長終於放低件制服,修心養性做住家男湊女,今次仲要飾演一個照顧家姐死後留低姪女嘅單親爸爸。原來戲名嘅Gifted就係因為呢個姪女原來係一個gifted嘅資優生,仲要係一個七歲就識得解大學程度數學嘅天才。Chris Evans個阿媽,姐係細路女個外婆,一直都想將呢個細路女當做一個天才兒童咁栽培,想佢好似沈詩均咁即刻讀大學,但係作為養父嘅美國隊長就希望佢姪女能夠好似其他小朋友一樣有一個無憂無慮嘅愉快童年,唔想佢咁快就要變成一部失去童真嘅數學研究機器。雙方甚至為咗呢個細路女嘅撫養權而不惜對薄公堂… 故事最後當然係大團圓結局啦,不過我覺得呢套戲嘅重點唔係美國隊長今次有幾型幾chok,而係站喺呢個天才細路女嘅立場,到底點樣嘅教育對佢先係最好?究竟應該好好善用佢嘅天才,甚至不惜要佢放棄同好朋友一齊返學享受童年嘅日子,定係讓佢成為一個同普通人無異嘅一個平凡小朋友?呢個睇怕唔單止係戲裡面嘅問題,仲係普天之下父母之間都要面對嘅問題。有點可惜嘅係電影嘅結局某程度上有點太過理想化,一個過份完美嘅結局令呢個可憐天下父母心嘅難題得唔到一個更深入的探討。 相比起美國隊長一貫chok樣同溝女嘅戲路,本片最大嘅驚喜應該係作為小女主角嘅Mckenna Grace,雖然年紀只有十歲,但係論演技完全讓人感覺係一個非常有經驗的演員。充分演活一個天才兒童所面對的難處,無論係上堂串爆老師,同大人有趣招積嘅互動,同時演繹出佢同Chris Evans 之間深厚嘅父女情,場面相當感人,打動了不少觀眾。最令我印象深刻的一幕,以夕陽作為背景,鏡頭只有Chris Evans和Mckenna Grace在斜陽下投射出來的兩個黑影,細路女好活潑地喺養父嘅身上擒高擒低,另一邊Chris Evans同佢講述人生在世活著應有的意義,呢幕不禁令我反思,到底一個人應該要點樣先能夠活出最無悔的一生?…

Read more

矽谷朝聖遊(1):初抵三藩市

小編作為科技界嘅發燒友都已經至少有五六年,去矽谷朝聖一直以來都係小編嘅夢想,矽谷作為世界IT工業嘅搖籃,匯聚咗無數嘅精英同創意,短短二十年內誕生出無數嘅科技巨頭。小編喺上年到咗美國做半年交換生,終於有機會親自飛到三藩市,一探矽谷呢個科技界聖地嘅神秘面紗! 點樣去三藩市? 喺香港去三藩市,基本上只有一個方法,就係坐飛機。其實由香港坐直航去三藩市嘅選擇唔多,除咗國泰航空之外,仲有美國聯合航空 (冇錯,就係嗰間聯合關公航空)。直航三藩市嘅價錢的確係比較貴,小編岩岩喺skyscanner check 過,如果暑假期間出發的話,至少都要六千幾七千蚊。如果唔介意轉機的話,其實喺日本轉機或者喺韓國轉機都係一個唔錯嘅選擇。小編當時唔係直飛三藩市,而係先搭國泰航空去東京成田再轉飛新加坡航空去洛杉磯,全程大概15小時,來回程都係大概五千幾蚊,都平咗一截。當然如果想再平啲可以坐東方航空去上海轉機,不過國內航空公司就自己衡量啦。 由於小編喺先去LA嘅關係,所以我係喺LA坐夜巴去三藩市。洛杉磯同三藩市一南一北,基本上係加州兩個最大嘅樞紐城市,但係如果唔坐內陸機的話,就只可以坐八個鐘巴士去,再唔係就要自己揸車,畢竟喺美國基本上人人都有車,所以我坐巴士去三藩市嗰陣架巴士都唔係特別多人。 如果唔怕捱眼訓的話,夜晚十二點巴士喺洛杉磯開車,第二朝清早七點半就會去到三藩市。巴士收費會平過飛機,但係其實唔係真係平好多。我張巴士飛就係$20美金,飛機的話就要$40-50美金,不過飛機只需要個半鐘就飛到三藩市。 初到三藩市 岩岩到步三藩市嘅感覺就係呢個城市天氣相當清涼,洛杉磯相對會比較乾燥,三藩市就比較濕潤,但係完全唔會好似香港咁侷促。同埋三藩市本身係一個相對寧靜嘅城市,生活節奏比起紐約或者洛杉磯呢啲大都會緩慢好多,更加唔會話經常人多擠迫,所以所以難怪三藩市被稱為全美最宜居城市之一。 今日就首先簡單介紹下三藩市呢個城市,嚟緊繼續同各位讀者分享小編喺矽谷嘅見聞!…

Read more

抵死鬧劇搞出深層意義:《波士BB》影評

最近喺各大地鐵站已經陸續見到波士BB電影嘅宣傳海報,可能大家都會覺得好有趣,點解一個BB會著住西裝咁老積?之前ChiLam配音嘅《狗狗當家》講寵物喺人類背後嘅世界,今次輪到BB做你波士,係咪好好奇究竟呢個鬼馬招積B葫蘆裡賣咩藥? 小編其實上個禮拜已經率先觀看咗波士BB嘅優先場,原來呢個BB來頭好猛,一出場就搞到父母陀陀擰,餵食餵奶包尿布氹訓覺全部都當正父母係奉旨咁,如果侍奉貓貓嘅叫貓奴,咁樣BB就成個大波士咁身邊就有兩隻B奴喺身邊隨傳隨到。唔止咁,BB嘅出現仲影響到原本受到萬千寵愛在一身嘅哥哥妒忌,認為佢搶走咗父母本來對佢嘅愛,破壞佢原本認為美好嘅家庭。但係原來呢個BB唔單止係一個BB咁簡單,西裝骨骨嘅佢仲識講野,佢其實仲身負一個好重要嘅任務,就係要阻止BB身邊最大嘅敵人——同樣咁人見人愛嘅狗仔,搶晒BB嘅 “市場佔有率”!(其實係咪諷刺緊宜家生育率不斷下降?) 小編身為屋企入面嘅大仔,睇到電影入面阿哥對細佬受到父母無限嘅寵愛而呷醋,自己都不禁回想起自己曾經都試過因為同細佬 ‘爭寵’而扭計,到最後明白到家人之間嘅愛唔係一個有我冇你嘅零和遊戲,而係一個學懂分享同互相愛護嘅過程。故事裡面嘅波士BB睇落好似成個大人咁招積,甚至喺大人面前每一個令人無法抵抗嘅可愛表情,原來都係波士BB刻意嘅算計,但係目的仍然離不開童真可愛嘅一面,就係想獲得父母嘅愛錫。就好似海報上面嗰句 “撒嬌BB最好命”,波士BB的確深諳此道。 到最後,原來故事裡面嘅葡萄大哥就係電影裡面嘅旁白,隔離仲有一個已經長大成人,但係仍然著住西裝嘅細佬,到底成個故事係真定係純粹係童真嘅想像?對於已經長大咗嘅我地嚟講,已經唔重要,最重要嘅係珍惜同愛護身邊嘅屋企人。…

Read more

引力邊緣x異形:《外星生命》影評

大導演Ridley Scott的大製作《異形:聖約》在五月就會在大銀幕同大家見面,不過這齣異形能否重現1979年異形電影的熱潮仍是未知之數。無獨有偶,在異形新作上映前,本齣作品《外星生命》,小編會形容係《引力邊緣》同《異形》第一集嘅crossover,一隻怪物已經足以搞到成隻太空船機毀人亡! 行過中環站嘅電影海報上面只有三個太空人,但係其實真正故事裡面嘅太空人一共有六個,每位太空人都各有性格,也沒有明顯的主角配角之分,反而比較受到觸目嘅死侍男主角Ryan Reynolds喺好早階段就已經拎咗便當。故事好早階段就入局,火星嘅土壤樣本裡面發現有生命嘅細胞生物,好快呢隻生物由細胞長大到手掌嘅大小,並且開始襲擊人類。故事開宗明義道出咗怪物攻擊人類嘅原因:生存。一隻似八爪魚嘅火星生物,不但動作敏捷,仲唔怕真空、唔怕火燒、甚至擁有一定程度嘅智慧,人類喺無情嘅太空之中,面對近乎無敵嘅外星生物困獸鬥,顯得脆弱無力。 故事冇太多嘅文戲,劇情基本上同1979年嘅異形大致相同:人類用盡辦法想困住隻怪物,或者將佢拋出外太空,但係始終低估咗怪物嘅智慧,使得佢繼續有辦法襲擊人類。全齣戲都令觀眾處於極度驚恐嘅狀態,面對完全陌生嘅未知生物,人類毫無還擊之力。雖然劇情上有少少“做戲咁做”嘅感覺,例如怪物第一次攻擊人類,仍然係手掌咁細小,被攻擊嘅黑人科學家Hugh冇馬上關掉怪物嘅維生儀器,反而任由佢緊纏住自己的手;明明受過軍人紀律受訓嘅太空人Ryan Reynolds竟然會衰衝動打開隔離層救人,然後其他太空人陷入有如潑婦罵街嘅爭吵引致連番嘅錯誤決定令怪物成功逃出隔離層,最後落得太空人一個一個咁被殺嘅悲劇。總之六個太空人被一隻岩岩出世冇耐嘅火星怪搞到機毀人亡,實在有部分原因係咎由自取。或者觀眾需要一啲更加有智商嘅科幻恐怖片,照搬四十年前嘅異形公式已經冇辦法再滿足到觀眾嘅眼球。…

Read more

《Power Rangers: 戰龍覺醒》:唔夠緊湊但期待下集

美國佬改編日本仔人氣故事已經見怪不怪,呢期除咗呢套Power Rangers之外仲有Scarlett Johansson嘅《攻殼機動隊》,睇嚟日本仔真係創意無限,啲美國佬編劇睇得太多復仇者聯盟都忍唔住向日本仔抄下橋。 其實今集嘅Power Rangers 係20年前同名電影嘅Reboot版本,劇情就主要改編自1993年美國版金剛戰士嘅第一季電視劇,當然選角方面就全部揀選年青嘅新晉演員孭飛。劇情都係比較大路:5個年輕人各自有自己嘅問題,例如貪玩要守行為、有社交障礙經常被欺凌、甚至有女同志但不被家人接受等等。五個年輕人卻因緣際會意外獲得了來自外星的戰士力量,面對即將入侵地球破壞家園嘅邪惡女王,在上一代Power Rangers領袖Zordon 的協助下,明白了同心協力嘅意義,最後成功變身紅黃藍黑紫的五色金剛戰士,打敗了壞人。 全齣戲不過不失,但開頭要交代的背景和組成團隊嘅時間拖得比較長,前半部分文戲比較多,到了後半部分可能因為時間不夠的關係,成功變身之後就馬上挑機打大佬,最後又五隻怪獸機械人組合成超級高達,總算是有點小驚喜。 美國的超級英雄電影現在大多需要顧及種族平等和性別平權的觀念,今次的選角都特意挑選了白人、拉丁裔、亞裔、非裔、印裔的演員擔任五色戰隊的不同角色(男主角當然仍然是白人),當中五個人曾經有過矛盾有過衝突,大敵當前最後當然能夠一一化解。 之前《美女與野獸》的同性戀情節掀起了一陣熱烈的討論,其實本齣戲裡面也加入了一些與同志有關的討論。黃色戰士在劇中坦白自己是女同志,也坦承自己的性取向不被保守的家人所接受。但對這方面的討論也是點到即止,原本以為黃戰士會跟紫戰士發展一段同性曖昧關係,不過看來紫戰士跟紅戰士一對才是正道吧。 電影的最尾部分透露了還有一位未曾出場的綠戰士,看來Sony 打算把Power Ranges 繼續拍下去,小編其實比較希望五色戰士的裝甲可以重新設計,配合這個年代的審美觀。這齣戲裡面的戰士裝仍然是90年代的經典設計,看上去還是擺脫不了傳統日本超人片的呢種廉價味,假如能夠換成比較貼近目前潮流嘅戰衣,也許角色造型上會更加受歡迎。…

Read more

值得深思的小品電影:《NASA 無名英雌》影評

正當全世界的目光都聚焦在《La La Land 星聲夢裡人》的時候,其實同時間香港也上演了另外一部值得留意的美國電影。本片《NASA 無名英雌》趁著美國馬丁路德金博士生辰紀念上演,讓大家回顧數十年來美國黑人爭取平等待遇的艱辛過程。 本片的星味不重,三位黑人女主角坦白講小編從來沒有看過她們擔正演出,也許是因為多年來荷里活仍然以白人明星為主(美國種族平等之路仍然漫長!)。話雖如此,缺乏明星陣容仍不減小編對本電影的高評價。故事講述才華洋溢的Katherine Johnson (Taraji Henson 飾) 因為其黑人的身分,只能夠在NASA 擔任低級的計算員(這是一個電腦還未有出現的工作)。因緣際會下被調派到NASA 最核心的太空任務組擔任核數員(就是檢查一下有冇計錯數),一個黑人還要是女性,進入一個幾乎清一色白人的工作環境裡面,在很多地方都受到白人上司和同事的差別對待。要知道六十年代的美國還是一個種族隔離的社會,連洗手間也有分開白人專用洗手間和有色人種洗手間。Katherine 在NASA 工作中受盡歧視,仍然忍辱負重,發揮自己在數學上的天份,慢慢得到白人上司Al Harrison (Kevin Costner 飾) 的賞識。最後Katherine在美國第一次載人太空任務中發揮了舉足輕重的貢獻,並受到曾經歧視過她的眾人刮目相看的掌聲。 本片不是現在流行打打殺殺的所謂主流電影,沒有高潮迭起的劇情。但是勝在劇情寫實,充分地向觀眾呈現了六十年代美國社會充滿歧視和不平等社會實況。面對美國黑人飽受的不公待遇,背後的種種辛酸雖然難以在短短兩小時的電影完全展現出來,但是透過三位女主角所遭受的經歷,以及Katherine Johnson 在NASA辦公室向上司Harrison 怒斥她在工作環境中備受歧視的一幕,相信已經足以令觀眾感受到美國黑人在歷史上曾經受盡屈辱的悲哀。 要建立一個和諧共融、種族平等的社會並不是一朝一夕可以建立的,從本片可以看得到即使像美國這個提倡民主自由的先進國家,背後也曾經有過不人道不平等的黑暗歷史。面對香港這個嚴重撕裂的社會,觀眾們你能夠從本片中得到啟示嗎?…

Read more

寫在冬日紐約:《Star Wars: Rogue 1》外傳影評

冇同讀者見面咁耐,真係要講聲唔好意思。小編過去三個月因為政治以及私人原因,目前正身在美國尋求政治庇護 (講笑?)。不過作為星戰迷嘅我,難得人在美國,當然不會錯過本年度聖誕檔期嘅荷里活猛片《Star Wars: Rogue 1》外傳,抵步紐約落機第二日已急不及待到戲院觀賞。其實在觀影期間,戲院發生了一段小插曲,可留待後記再跟大家分享。 言歸正傳,迪士尼繼上年冬天推《Star Wars: 原力覺醒》再次掀起熱潮之後,緊接著一年後再推出外傳《俠盜一號》,繼續炒熱Star Wars 概念。小編昨天在紐約時代廣場Broadway的迪士尼專門店,門口幾乎清一色都是Star Wars Rogue 1 的宣傳品,紐約地下鐵和公路上也有不少電影的宣傳廣告。外傳故事將我們重新帶回Star Wars 經典三部曲的時間線,Star Wars 第一集A New Hope 炸毀Death Star 的劇情大家仍然歷歷在目,可是為甚麼反抗軍會拿到死星的藍圖從而知道死星的致命弱點?當時電影只是草草帶過。事隔幾乎40年後,反抗軍盜取死星設計圖嘅故事終於搬上銀幕。 故事開頭略為有點散亂,鏡頭不斷轉移到不同星球上面,介紹不同角色的出身,同時鋪墊死星設計圖的下落。及後當所有主要角色都齊集一起之後,就馬上展開經典的Star Wars 飛船大冒險(又係用偷來的飛船,點解銀河帝國嘅飛船咁易偷)。香港觀眾或許對男女主角不太熟識,不過肯定對兩位面孔毫不陌生,就係姜文同甄子丹(IP Man 今次仲擔任本片武術指導)。雖然兩者戲份不算重,但是角色和對白恰到好處,起碼不只是跑龍套的小角色。尤其是姜文出演霸氣的重炮手,符合他一貫的霸氣戲路。本齣電影基本上集合了Star Wars 歷代電影的特點:劇情緊湊,視覺效果出眾,太空飛機大砲蕉蕉蕉的場面當然少不了,還有不少劇情和對白都有向正傳Star Wars 致敬的意味,相信咁多位資深星戰迷肯定會會心微笑。唯獨美中不足的是缺少了光劍格鬥的場面,甄子丹雖然身為擁有原力加持的盲俠,但是手握的居然只是一碌冇乜殺傷力的鐵棍,不理解為何導演沒有改成光劍,也沒有安排黑武士與任何角色用光劍比武,令期待睇格劍的小編有點兒失望。 迪士尼的電影,一向以大團圓結局收尾。星戰系列本身作為合家歡的電影,在上集The Force Awakens 雖然尾段草草收結,但至少一眾要角還是生勾勾等簽下一集的電影合約。本集Rogue 1…

Read more
Copyright 2014 @ AvantVS.hk Avant Vision Supreme 電影音樂動漫資訊. All Rights Reserved.

Log In or Sign Up