感人至深,真情流露:《天賦的禮物》影評

呢套戲齋睇個名真係有啲不明所以,叫《天賦的禮物》,可能英文名會有多啲頭緒 “Gifted”:呢個英文字一方面可以解咗上天嘅恩賜,而另一個解釋就係上帝賜給人類其中一樣最好嘅禮物:智慧。講戲名可能讀者都唔係好知我講緊乜,不過睇卡士我諗你應該會感興趣啲:冇錯,就係人人都識嘅美國隊長Chris Evans 😂 美國隊長除咗做大英雄之外仲識得做啲咩呢?今次美國隊長終於放低件制服,修心養性做住家男湊女,今次仲要飾演一個照顧家姐死後留低姪女嘅單親爸爸。原來戲名嘅Gifted就係因為呢個姪女原來係一個gifted嘅資優生,仲要係一個七歲就識得解大學程度數學嘅天才。Chris Evans個阿媽,姐係細路女個外婆,一直都想將呢個細路女當做一個天才兒童咁栽培,想佢好似沈詩均咁即刻讀大學,但係作為養父嘅美國隊長就希望佢姪女能夠好似其他小朋友一樣有一個無憂無慮嘅愉快童年,唔想佢咁快就要變成一部失去童真嘅數學研究機器。雙方甚至為咗呢個細路女嘅撫養權而不惜對薄公堂… 故事最後當然係大團圓結局啦,不過我覺得呢套戲嘅重點唔係美國隊長今次有幾型幾chok,而係站喺呢個天才細路女嘅立場,到底點樣嘅教育對佢先係最好?究竟應該好好善用佢嘅天才,甚至不惜要佢放棄同好朋友一齊返學享受童年嘅日子,定係讓佢成為一個同普通人無異嘅一個平凡小朋友?呢個睇怕唔單止係戲裡面嘅問題,仲係普天之下父母之間都要面對嘅問題。有點可惜嘅係電影嘅結局某程度上有點太過理想化,一個過份完美嘅結局令呢個可憐天下父母心嘅難題得唔到一個更深入的探討。 相比起美國隊長一貫chok樣同溝女嘅戲路,本片最大嘅驚喜應該係作為小女主角嘅Mckenna Grace,雖然年紀只有十歲,但係論演技完全讓人感覺係一個非常有經驗的演員。充分演活一個天才兒童所面對的難處,無論係上堂串爆老師,同大人有趣招積嘅互動,同時演繹出佢同Chris Evans 之間深厚嘅父女情,場面相當感人,打動了不少觀眾。最令我印象深刻的一幕,以夕陽作為背景,鏡頭只有Chris Evans和Mckenna Grace在斜陽下投射出來的兩個黑影,細路女好活潑地喺養父嘅身上擒高擒低,另一邊Chris Evans同佢講述人生在世活著應有的意義,呢幕不禁令我反思,到底一個人應該要點樣先能夠活出最無悔的一生?…

Read more

抵死鬧劇搞出深層意義:《波士BB》影評

最近喺各大地鐵站已經陸續見到波士BB電影嘅宣傳海報,可能大家都會覺得好有趣,點解一個BB會著住西裝咁老積?之前ChiLam配音嘅《狗狗當家》講寵物喺人類背後嘅世界,今次輪到BB做你波士,係咪好好奇究竟呢個鬼馬招積B葫蘆裡賣咩藥? 小編其實上個禮拜已經率先觀看咗波士BB嘅優先場,原來呢個BB來頭好猛,一出場就搞到父母陀陀擰,餵食餵奶包尿布氹訓覺全部都當正父母係奉旨咁,如果侍奉貓貓嘅叫貓奴,咁樣BB就成個大波士咁身邊就有兩隻B奴喺身邊隨傳隨到。唔止咁,BB嘅出現仲影響到原本受到萬千寵愛在一身嘅哥哥妒忌,認為佢搶走咗父母本來對佢嘅愛,破壞佢原本認為美好嘅家庭。但係原來呢個BB唔單止係一個BB咁簡單,西裝骨骨嘅佢仲識講野,佢其實仲身負一個好重要嘅任務,就係要阻止BB身邊最大嘅敵人——同樣咁人見人愛嘅狗仔,搶晒BB嘅 “市場佔有率”!(其實係咪諷刺緊宜家生育率不斷下降?) 小編身為屋企入面嘅大仔,睇到電影入面阿哥對細佬受到父母無限嘅寵愛而呷醋,自己都不禁回想起自己曾經都試過因為同細佬 ‘爭寵’而扭計,到最後明白到家人之間嘅愛唔係一個有我冇你嘅零和遊戲,而係一個學懂分享同互相愛護嘅過程。故事裡面嘅波士BB睇落好似成個大人咁招積,甚至喺大人面前每一個令人無法抵抗嘅可愛表情,原來都係波士BB刻意嘅算計,但係目的仍然離不開童真可愛嘅一面,就係想獲得父母嘅愛錫。就好似海報上面嗰句 “撒嬌BB最好命”,波士BB的確深諳此道。 到最後,原來故事裡面嘅葡萄大哥就係電影裡面嘅旁白,隔離仲有一個已經長大成人,但係仍然著住西裝嘅細佬,到底成個故事係真定係純粹係童真嘅想像?對於已經長大咗嘅我地嚟講,已經唔重要,最重要嘅係珍惜同愛護身邊嘅屋企人。…

Read more

引力邊緣x異形:《外星生命》影評

大導演Ridley Scott的大製作《異形:聖約》在五月就會在大銀幕同大家見面,不過這齣異形能否重現1979年異形電影的熱潮仍是未知之數。無獨有偶,在異形新作上映前,本齣作品《外星生命》,小編會形容係《引力邊緣》同《異形》第一集嘅crossover,一隻怪物已經足以搞到成隻太空船機毀人亡! 行過中環站嘅電影海報上面只有三個太空人,但係其實真正故事裡面嘅太空人一共有六個,每位太空人都各有性格,也沒有明顯的主角配角之分,反而比較受到觸目嘅死侍男主角Ryan Reynolds喺好早階段就已經拎咗便當。故事好早階段就入局,火星嘅土壤樣本裡面發現有生命嘅細胞生物,好快呢隻生物由細胞長大到手掌嘅大小,並且開始襲擊人類。故事開宗明義道出咗怪物攻擊人類嘅原因:生存。一隻似八爪魚嘅火星生物,不但動作敏捷,仲唔怕真空、唔怕火燒、甚至擁有一定程度嘅智慧,人類喺無情嘅太空之中,面對近乎無敵嘅外星生物困獸鬥,顯得脆弱無力。 故事冇太多嘅文戲,劇情基本上同1979年嘅異形大致相同:人類用盡辦法想困住隻怪物,或者將佢拋出外太空,但係始終低估咗怪物嘅智慧,使得佢繼續有辦法襲擊人類。全齣戲都令觀眾處於極度驚恐嘅狀態,面對完全陌生嘅未知生物,人類毫無還擊之力。雖然劇情上有少少“做戲咁做”嘅感覺,例如怪物第一次攻擊人類,仍然係手掌咁細小,被攻擊嘅黑人科學家Hugh冇馬上關掉怪物嘅維生儀器,反而任由佢緊纏住自己的手;明明受過軍人紀律受訓嘅太空人Ryan Reynolds竟然會衰衝動打開隔離層救人,然後其他太空人陷入有如潑婦罵街嘅爭吵引致連番嘅錯誤決定令怪物成功逃出隔離層,最後落得太空人一個一個咁被殺嘅悲劇。總之六個太空人被一隻岩岩出世冇耐嘅火星怪搞到機毀人亡,實在有部分原因係咎由自取。或者觀眾需要一啲更加有智商嘅科幻恐怖片,照搬四十年前嘅異形公式已經冇辦法再滿足到觀眾嘅眼球。…

Read more

真係《賓虛》咁嘅場面?新《賓虛》影評

剛執筆之時,看到了《賓虛》在北美上畫票房仆直的消息,出品公司派拉蒙影業雖然為本片砸下超過一億美元製作費,但是在票房上完全稱得上以慘淡來形容。究竟是因為宗教片已經在目前的主流市場不再吃香?還是有其他因素導致這齣新。《賓虛》並沒有獲得原本預計的人氣和票房? 本齣《賓虛》基本上是1959 年的重拍版。雖然小編沒有看過1959 年的原版,但基本上情節並沒有太大變化。故事講述一位年輕的猶太人貴族“賓虛”和兒時玩伴兼好兄弟羅馬人馬薩拉因為一些爭執而分開,馬薩拉後來當上了羅馬大將軍衣錦還鄉,卻因為有他人在賓虛家屋頂上意圖放箭殺害新上任的羅馬總督,馬薩拉逼不得已把賓虛家全家抄家。賓虛被放逐到戰船當奴隸划槳手,後來船被擊沈後幸得參加馬車比賽的部落收留。賓虛一心想回到耶路撒冷向馬薩拉報仇,賓虛決定參加馬車比賽向馬薩拉提出挑戰… 和《賓虛》的復仇題材比較相近,也同樣是取材羅馬帝國時代的電影有十年前拿過奧斯卡的《帝國驕雄》,無可否認《帝國驕雄》的劇情張力的而且確比《賓虛》優勝,《賓虛》在電影的初段已經開始出現一些悶位,而最受觀眾矚目的馬車戲,也沒有太大的驚喜。雖然不難看得出劇組在馬車戲的確付出了不少心血,但是相比起1959年,現在的觀眾對於電影特效的要求也高出不少。馬車戲一幕並未能夠牽動到觀眾替主角的安危感到擔心的心理,反而在尾段耶穌釘十架的一幕反而更加煽情。故事的主線雖然是賓虛復仇馬薩拉的故事,但是側面描寫耶穌的部份也沒有得到很好的發揮,出現了導演眼高手低,導致情節的發展顧此失彼。 綜括而言,《賓虛》整體上並沒有太大的驚喜。雖然尾段馬車比賽的一段仍然稱得上相當刺激,但是這類型的電影似乎已經與主流觀眾的口味越走越遠。此次重拍到頭來只是顯得1959 年的版本來得更加經典。  …

Read more

Samsung Galaxy View 評測 - 另一個Samsung的實驗?

影片評測   兩極化市場 Samsung再起巨屏革命 未知大家有沒有留意到,平板電腦的市場近年有兩極化的趨勢,以前平板電腦被認為是填補手機與筆電中間這個真空地帶的產物,但隨住Ultrabook同Phablet的崛起,如今平板電腦好像漸漸失去這個填補的作用。細心一看,近年一部份的平板電腦,例如Surface Pro、iPad Pro與Pixel,慕求取代筆電的地位,但另一方面Dell、華為、Lenovo所推出的6-8″平板,則越來越似一部Phablet。手機,Phablet,平板,Ultrabook這四類產品的界綠已經越來越模糊。 在這個較為死寂的市場,Samsung繼Galaxy Note後又一次牽起「巨屏革命」,為我們帶來18.4″的「平板電腦」- Samsung Galaxy View。然而,這個實驗會不會承繼Galaxy Note的成功呢?    Tablet? TV? Or a Little Bit of Both? 又同大家上一上科技「歷史課」,由Samsung推出第一部平板開始,每一部都以Galaxy TAB命名。但係這一部,偏偏只叫Galaxy View。可以合理地推測,站在Samsung的立場Galaxy View根本唔止單單是一部平板,Galaxy View的另一半基因,是電視。所以今次的評測,我亦不會把它看作一部平板。   不論重量或設計 View都並非一款流動產品 Samsung Galaxy View是一部足足重6磅的「平板」(這個重量我都已經不知道應否稱它為平板了),要把它來出外,除了要刻服它的重量,還要刻服另一個可圈可點的設計 - 機身背後的企架。市面上已經有不少的產品,採用呢種機身外部附帶企架的設計,特別是二合一筆電。但係,Samsung的做法,是我見過以來靈活度與實用性都係最低。第一,Galaxy View的企架只支援兩個角度 -…

Read more

星戰溝異形:《天煞地球反擊戰:復甦紀元》影評

20 年前《Independence Day》的一幕,總統發表演說後親自揸飛機對抗外星人,最後散播奇怪病毒趕走外星人後,想不到20th Century Fox 20 年後把外星人入侵地球的橋段在此搬上大銀幕。自從評前利申:由於年紀關係,小編看這齣電影之前並沒有看過前作,所以本評僅針對本電影嘅觀感,不受前作的感情因素影響。 觀罷全劇,有如觀看一套如同Star Wars 的“離地式” 科幻片段。以我對前作的有限認識,《Independence Day》之所以能帶起觀眾的共鳴就是因為人類需要以現有的“原始科技”來對抗坐擁高科技大軍壓境的外星軍團。但是本作一開始已草草交代人類成功取得外星科技後實現技術大躍進,已經能夠駕駛宇宙飛船橫越太陽系,甚至在月球建立基地。相信觀眾對於如此的背景設定已經沒有多大的代入感。然後就是一貫的入侵公式套路:有一天突然大規模進犯→ 地球的引以自豪的防禦系統全部不堪一擊→ 全世界各大城市被巨大的外星飛船籠罩→ 地表全被破壞、死傷無數→ 僅餘的人類秘密籌備反攻→ 經過一輪大決鬥之後取得最後勝利。Well, 是不是差不多不用入場已經猜到了電影的內容? 20 年後的今日,電影的拍攝器材和後製的技術當然比20年前要高出甚多,能夠以IMAX 3D 的規格觀看本電影,當然不論是飛機大砲亂打一通的場面和用CG 製作的外星人都比以前要真實好多,畫面也更加宏大。可是類似外星人入侵地球的情節在這二十年實在重複了太多次,這齣電影也沒能夠帶來甚麼突破。最失色的是當外星人入侵地球時營造出來的絕望感在本齣電影完全沒有獲得發揮,在外星大軍壓境的時候,建構出來的畫面就是以wide shot 交代各大城市被破壞,觀眾就好像在看CG 的紀錄片一樣,完全沒有牽動到觀眾的同情心。還有就是幾乎是世界末日的時候,利文生總監 (David Levinson, Jeff Goldblum 飾) 的父親 (Judd Hirsch 飾) 以半搞笑的形式來拯救一班倖存的學生,卻又誤打誤撞地闖入Area 51,這種故意在末日的環境下勉強加入一些笑位,其實弄巧成拙,反而令電影失去了末日類電影的驚慌和絕望的感覺。…

Read more

過度解讀之卡通版《十年》:《憤怒鳥大電影》影評

網絡年代的興起除了帶動手機遊戲apps 的盛行,還帶動了遊戲相關的卡通人物大行其道。如果說上一代最受歡迎的遊戲人物是Super Mario 的話,Angry Bird 憤怒鳥則是毫無疑問本世代最受歡迎且老少咸宜的遊戲角色。要說Angry Bird 幾年前有幾受歡迎,相信除了Angry Bird 的故鄉芬蘭已經建好了Angry Bird 樂園之外,前幾年的年宵攤檔幾乎每個賣公仔的檔攤都有Angry Bird 公仔賣已經略知一二。如此受歡迎的卡通角色當然絕對不會被電影公司輕易放過,這次把Angry Bird 搬上大銀幕可說是眾望所歸,票房也有一定保證。 Angry Bird 電影大綱採用遊戲的故事背景,節奏明快地演繹雀vs 豬的對戰故事。在一個住著雀鳥的美麗熱帶島嶼,故事主人翁就是紅當當的Angry Bird,他是一隻非常不合群也非常火爆的一隻雀,經常因為“燥底”的性格而受到其它愛好和平的雀仔排擠。除了火紅的Angry Bird,雀仔界還有其它“異類”,也繼承了遊戲裡面的屬性:速度超快的黃色雀;興奮過度會爆炸的黑色雀;會發射砲彈的白色雀(電影以女性姿態呈現)和超級巨型的大紅雀(會一開三的藍色雀再電影的最後段才客串出現)。有一日,世外桃源的雀鳥島忽然來了一群綠色光脫脫的“天外來豬”。綠豬作為訪客一開始受到大部分雀鳥的熱情款待,只有Angry Bird 認為這些豬肯定是埋藏一些不可告人的陰謀。但是所有其它雀非但不認同他,還認為他令整個雀鳥群體再訪客豬面前蒙羞。Angry Bird 受到排擠的同時,越來越多的豬湧入這個小島,霸佔了本來屬於雀鳥的島嶼。最後還一次過把雀鳥們生下來的蛋全部偷走,Angry Bird 的怒氣終於有了用武之地,他要替他的族人想貪婪的綠豬宣戰,奪回被搶走的鳥蛋! 電影以角色造型其實是在遊戲角色的造型中作出不少擬人化的修改。本來只有頭的雀為他們加回手手腳腳,雖然沒有遊戲中那麼可愛,但是電影中的對白和笑料還是相當高質,全齣電影也沒有冷場。動畫技術方面已經日趨成熟,沒有甚麼可以挑剔的地方。可是小編作為“別有用心”的“勇武觀眾”,看電影時見到雀鳥們的美麗家園不斷被綠豬侵佔,其它雀鳥還天真地打算和不懷好意的綠豬們和平共處,最後到了家園被毀時才懊悔不已,不知不覺地代入了香港目前的處境。“說者無心,聽者有意”,Angry Bird 大電影背後隱含著勇武保衛家園的意思,如果我們坐視目前的處境惡化下去,不出十年,我們的”鳥蛋“就會完全被不懷好意的”綠豬”們全部搶走。90分鐘的卡通電影,竟然說出了電影《十年》的大道理。 除了Angry Bird 電影的“弦外之音”,小編還想著墨一下從網絡世紀開始出現“把遊戲搬上銀幕”的現象。以往的模式一向都是“把銀幕搬到遊戲”的模式,遊戲商與電影公司合作推出賣座電影的相關遊戲,例如Star Wars 遊戲或Marvel 系列遊戲。現在Angry…

Read more

Copyright 2014 @ AvantVS.hk Avant Vision Supreme 電影音樂動漫資訊. All Rights Reserved.

Log In or Sign Up